ngan nakamatáy hin kapín hin duhá kayukót katawo.
Bahin han iya mga kalalaki nasiring:
"An pagbati han pagkaluoy, nga labi hin kalatente en los pueblos catolicos que otro alguno ngan an pagdumdom hadto nga tungod han katawuhan, nakakabantad ha amon ha kapaid tungód han mga kasakitan han amon mga igkasi ngan hin pangamuyo nga basi didá hini nga tuna nga uraura hin kaduruyagan han mga bagyo, diri unta mahanabó an sugad han hinkit'an han mga umurukoy didto ha Estados Unidos!"
Hi Horatius waray tangdo nga lumabáy in sugad nga higayon ngan, waray paghinabi hin mga patáy, sugad man han ginpatay nga indiyo, sugad man han mga panraugdaog, iya adto binatón dida han iya Pirotecnia:
"Katapos hin damo nga kaluoy ngan hin damo nga kapaíd han katawuhan, hi Fray Ibañez, aw! Ben Zayb, waray na ibá nga nahihimo kun diri pangaro para ha Pilipinas..."
Sinasabót.
Kay diri katoliko ngan an pagbati han kaluoy labi hin kalatente, ug iba pa, ug iba pa."
Hi Kapitan Tiyago namay-ada maupay nga kata- pusan, karuyag sidngon, paglubóng nga talagsa hikit'an in sugád. Matuod ito nga an kura didá han parrokya nagpasabót kan P. Irene nga hi Kapitán Tiyago namatay waray pakakumpisal, kundi an buutan nga padi, nagtinawa hin badyangás, hinmapyod han irong ngan bumatón:
-Vamos, imo ito ha akon ihinuhungit? Kun diri tagan hin kasayunan hin maupay nga paglubóng an ngatanán nga namamatay nga diri nakakakumpisál, mahangangalimot kita han De Profundis! Itó nga mga kakurian, savod ka hito hin tukib. ginagamit la itó kun an waray pakakumpisal waray salapi, kundi Kapitán Tiyago... Vaya! Pati ngani kainsikan nga waray kabunyagi naglubóng ka na ngan may misa de requiem pa!
Hi Kapitan Tiyago may gintungdan nga albacea ngan ejecutor testamentario ug amo hi P. Irene, ngan iya ihi-
