ko, nagsiring,-susumatan ka han ngatanán nga balaod
nga mabuskag iton imo utok hin pagpinamati. Kun may
adá mo pisos tutubson ka bisan ka aadto ha tungod hiton
bitayán. Han pagdakpa han akon amyaw, hi Simón, ngan
pagdabala didto ha bilangguan tungód han diri pakag-asoy
didto hin usá nga panikas nga nabuhat didá ha harani
han iya baláy, baá! kahati la ngan hin usa karolyo nga
lasuná, pinagawás han eskribyente. Hinkit'an ko hi Simón nga an tuman la nga nakakalakát ngan nairapa hin kanán usá kabulan. Hay! nadunot an pugtot, agidáw! ngan namatay didá hitó.
An sagdon ni Hermana Balí amo an ginkasarabutan ngan hiya ngahaw in nagsaad pakighimangraw han eskribyente; hi Julí hinmatag hin usa kasalapi ngan dugangán pa hin pirá ka pinit nga tapa nga bugsok nga pinanganupán ni iya apóy. Hi Tandang Selo nagpipinanganop na liwat.
Kundi an eskribyente waray nahihimo; an preso aadto ha Manila ngan diri na napaabót ngadto an iya gahóm.
-Bisan na la unta nahanganhi ha kabesera, man gad pa!... naparayaw han iya gahóm.
An eskribyente sayod hin maupay nga an iya gahóm diri nagawás didá ha Tiani, kundi kasuruk'an hawiran an iya gahóm kay basi an iya bantog diri mapapas ngan diri awion ha iya an tapa nga bugsok.
-Kundi may adá ko ha iyo igsasagdon, nga makadto kamó, upód hi Juli, ha Juez de Paz. Kinahanglan nga umupód hi Julí.
-An Juez de Paz tawo nga makarít, kundi kun makakitá kan Julí man gad pa magmahumok ighimangraw;—na-kanhi dinhi an kaupayan han sagdon.
Hin waráy tawatawa magutiay, namati an Juez de Paz kan Hermana Balí, nga amo an naghimangraw, lakip an pagsinirusiplat han batan'on nga unob la nagtitinamod ngan duro an paghikaaló. An mga tawo makakasiring pa la ito nga duro gud itón iya pangahás hiunong kan Basilio, an mga tawo diri mahanunumdom han iya kabaralsan nga buót ngan adto nga iya kabilanggo, sugad han mga hurub-hurob, nasugad tungod ha iya.
Katima tug-ab nakatuló o nakaupát adá, kay an Juez de Paz may adá niya hiní nga mahugaw nga batasan, nagsiring nga an tawo la nga makakabawi kan Basilio amo hi P. Camorra, kun maruyag, -ngan sumiplat hin
