may lain nga tuyo han daraga.—an iya sagdon nga sarihan
paghimangraw hin say gud an padi.
-Maaram na kamo hiton iya gahóm; amo in naghukád han apóy mo didto ha bilangguan!... Usa la niya kapulóng nahahalin in usa katawo o nababawi ha kama- tayon in usa nga bitayón. Hi Julí waray pagyayakán, kundi pinakakasiring ni Hermana Balí nga an sagdon bagá sugad hin iya nabasa ha usá nga nobena; andam gud hiya hin pag-upód kan Juli ngadto ha kombento. Igkakaigo kay tikadto hiya paglimós hin usá nga eskapularyo hin kanán upát kasikapat nga salapi. . Kundi hi Juli napiling la han ulo ngan nadiri gud pagkadto ha kombento. Hi Hermana Balí nga nakakatigó kay ano nga nadiri-kay hi P. Camorra nga gin-agnayán nga kabayo, uraura kamakilás-nagsisinagdunon han daraga:
---Waray mo sadang kahadlukán! hin upód mo ako! nganiya; -waray mo kabasa an gutiay nga basahán ni Tandang Basyo nga hatag han padi, nga nag-aagda nga an kadaragan'an angay magpakadto ha kombento, bisan diri maaram an ira mga kag-anák, kay basi makagsumát didto han mga hinabó ha ira panimaláy? Abá! Adto nga basahán iginpamuldi kay tugot han Arzobispo, abá!
Hi Julí, nauuyám na ngan karuyag matima na adto nga himangraw, nangaro han makidiyós nga makadto na la hiya kun iya karuyag, kundi an Juez nagmugó, igintitinug-ab, nga an mga pangamaya hin batan'on pa nga bayhon labí nga napahumok kay han kanán tigurang na, nga an langit naipis han iya mga tun-og hin darudamó ngadá han bag-o pa nga mga bukád kay hin ngadto han mga layá na. An mahusay nga paaliday ginmawás nga may pasambingay nga uraura hin kamaraot.
Hi Juli waray bumatón ngan an duhá nga babayi nagkalusád. Didto ha kalsada an batan'on nagdumiri gud hin pagkadto ha kombento ngan nanguli ngadto ha ira baryo. Hi Hermana Balí nga nauurit han kadiri ha iya pagtapod bisan pa hiya umupód, nabulós kan Juli ngan ini ginsinirmunan hin haros waray na katapusan.
An kamatuuran nga an batan'on diri makakahimo hadto pagbuhat hin diri hiyá maginmaraot, hin diri hiya pagmarauton han mga tawo, hin diri hiyá magmaraot ha atubangan sa Dios! Nakadamo hiyá pabatia, hin may ka-
