diri nagbabadyangas, anak ha gawas hin ussa niya nga patod nga babayi didto ha Manila.
An Kapitan han bapor nakakita ha iya ngan nagagda nga sumaka ngadto ha igbaw ngan tumampo didto han hiruhimangraw. Basi mapirit pagsaka ginsiring hiya:
—Kun diri ka mapakadto an mga prayle makakasiring nga nadiri ka pakigtarutampo ha ira. Hi P. Florentino napirit hin pagtangdo salit iya ipinatawag an iya umangkon ngan sinumatan han iya bubuhaton ngan iya gintugon nga diri gud mapakadto ha harani han camara hamtang hiya aadto.
—Kay kun hikit’an ka hiton Kapitan kukumbidahon ka liwat ngan makakasamok kita nga uraura ha iya.
—Kanan akon bata kinaiya— an hunahuna ni Isagani; —Basi la mawaray higayon nga igkahimangraw ako kan donya Victorina.
- Ich weiss nicht was soll es bedeuten
- Dass ich so traurig bin!1
Han paghatag ni P. Florentino hin katalahuran han gutiay nga katirukan nalabay na an maraot nga kaburut’on nga lara han inmagi nga balingkutay. Tingali nakakadara han kalipayan an marugyaw nga kabalayan han bungto ha Pasig, an tinag-usa kakopita nga jerez nga pinamag-ininom ha pag-andam han ginhawa o tingali an pagpamulat hin patunga nga paniudto. Bisan hito hain, totoo gud man nga nagkikinaragtatawd ngan namamagpairuintrimis, api an pransiskano nga magasa, bisan kun diri kaupay maaringasa; an iya tawa baga an paghibab han baba hin usd nga himaratyon.
—Maraot nga panahon, maraot!— an pulong ni P. Sibyla, nagtitinawa.
—Oy, ayaw gad man pagyakan hin sugad hito, Vice Rector! —nabaton hi P. Irene, an kanonigo, idinuso an lingkuran nga pinupungkuan han usd —ha Hong-Kong dagko an iyo ganansiya ha pagnegosyo... ngan nanhihimo kamo hin mga balay nga... maaram na ako! —Asahan ka dida!— nabaton. —Kamo diri nakita
