han amon mga gastos, ngan an mga saop han amon mga karaanan nagtitikang na hin pakigbalingkot.
—Ah, husto na hin ngurutob, punyales, kun diri mag- tutuok ako lugod!— ginmuliat hin malipayon ni P. Ca- morra. —Kami waray namon aringasa, bisan waray kami mga karaanan ngan mga bangkos. Ngan sabuta nga an amon mga indiyos nagtitikang na hin pakitawad han mga kabaraydan ngan nanhihinabi hin mga taripa! Ha- rumamay mo nga aatubangon kami hin mga taripas ya- na, an kanan arsobispo don Basilio Sancho2 pa, punyales! Baga sugad hin tikang hadto ngada yana waray pagmahal an palit han mga papliton, ha, ha, ha! Kay ano nga in usa nga pabunyag mababarubarato hin usa nga manok? Kundi, napakabungol la ako, nasukot ako han nahihimo ngan waray ko la aringasa. Diri kami mga galat, di ka matuod, P. Salvi!
Hadto nga uras inmulpot an ulo ni Simoun dida ha eskotilya.
—Kundi, diin ka pakasuksok?— ginuliatan ni don Custodio nga nahangangalimot na han iya nabudlayan. —Nahagawas ka han labi kamaupay nga bahin han pag- sakay.
—Psh!— binmaton hi Simoun nga sinmaka hin tib- way; — damo na in hinkit’an ko nga salog ngan mga ka- haluagan, salit say ko naruruyagan yana adton may lakip nga susumaton.....
—Kun mga susumaton imo, may ada inin Pasig,— binmaton an Kapitan nga diri naruruyag nga pagtama- yon an salog nga iya ginsasakaysakayan ngan ginpapa- kabuhian. —Iito an dida ha Malapad-na-Bato, daan na birilhon nga bato ugsa umabot nganhi an kakatsilaan, kay urukyan hin mga di-kinikita; unina han kasuat han di- wata ngan han pagtarataraa han bato, naginhugpa hin mga tulisan ngan naginlantawan han panikas han mga kabos nga magbaraluto nga namamagbudlay hin pagsuba han sulog ngan hin pag-antos han igkasitawo. Unina, ha amon na panahon, bisan lubob na hin taratara han tawo, hinnanabihan pa in mga susumaton hin mga baluto nga nalunod, ngan ako kun diri ko gamiton inin akon mga mata, mahababangga ako dida hiton mga ligid. Aada pa in usa liwat nga susumaton, an dida ha lungib ni don- ya Geronima nga mahihimo ig-asoy ha imo ni P. Floren- tino.
