—Matuod ito,— binmaton an batan’on: —anó in
labot ko kun magdayaw c sumuson, kun ito nga kalibutan
diri nagtatagad han mga rinaugdaog, han mga
kablas ngan han magluya nga kababayin’an? Ano in
akon paghunahuna hito nga katilingban nga waray ha
akon paghunahuna bisan magutiay?
—Amo ito an ayon kc,— nagsiring an magsurulay nga malipayon.
Ngan humukad, didto hin usa nga kaban, hin usa nga rebolber nga iya idinuhol han batan’on, nagsiring:
—Ha mga ikanapulo, hulata ako dida ha atubangan hiton singbahan ha San Sebastian basi mo karawton an akon timatima na nga mga tugon. Ah! ha mga ikasiyam pumaharayo ka, harayo gud kaupay dida ha dalan Anloague!
Ginbidbid ni Basilio an annas, ginkargahan ngan taguon didto han sakob nga bursa han iya amerikana. Nanamilit hin mamara nga: —Pagkita na la kita niyan!
Han nakadto na ha tuna hi Basilio nanhunahuna anay kun ano in bubuhaton hamtang naghuhulat han makarit nga uras; may mga ikapito pa la an takna. Panahon adto han bakasyones nga an mga estudyantes nakadto ha mga bungto. Hi Isagani amo la an waray karuyag pag-uli, kundi nawawara tikang pa han aga hadto nga adlaw ngan waray hibabarui kun na-kain la. Amo ini an sumat kan Basilio, kay han paghigawas him tikang ha bilangguan, napakadto pakigkita han iya sangkay pangai'O nga pasak’on hiya anay. Hi Basilio nagugupong kun mapasingain, waray niya kuwarta, waray niya bisan la ano kundi an rebolber. An pagdinumdom hadto nga kingke amo an naguop han iya panhunahuna; ha sakob hin duha kauras hananabo in dako nga desgrasya ngan kun say ini niya nasasakob han panhunahuna, baga sugad hin an mga tawo nga pinanhihikit’an nagpapanlabay waray ulo; na may ada niya usa kadali nga mabangis nga kalipay han iya pakasiring nga, hadto nga gab-i, bisan gutom ngan waray bisan ano, magigin-usá hiya nga kaharadlukan nga, makaluluoy ngan suruguon la anay nga estudyante, kaduwas ha pagkaaga makalili-
