sang ngan mabangis na hiya nga tawo, nga natukdaw
ha bawbaw hin natambak nga kamiminatyan, nagpapasunod
hin mga balaod hadto ngatanan nga nagpapanlabay
ha atubangan nga sakay han ira magranggat nga mga
kotse. Nahakatawa hiya sugad han manununlay, ngan
iya kinaraham an pulo han rebolber: an mga karatsutso
han bala nakadto ha iya bursa.
Nakapakiana hiya ha iya ngahaw, diin daw pagtitikang an hinabo? Dida han iya kairas waray na hiya pakapakiana kan Simoun, kundi hi Simoun nagsiring ha iya nga pumaantaw dida ha kalye Anloague.
Nagtikang hiya hin katahap; hadto nga kulop han iya paggawas ha bilangguan napasingadto hiya han daan nga balay ni Kapitan Tiyago pamiling han iya mga butang, ngan iya inabutan an balay na naliwat ngan iginandam hin usa nga panagtawo; an pagkasal kan Juanito Pelaez! Hi Simoun nahamangraw hadto nga panag tawo.
Kinita niya in halaba nga pagkasurunod pagpanlabay hin mga kotse nga puno hin mga senyores ug mga senyoras nga libang hin mga karukayakan nga masugong; baga hinkit’an niya, didto ha sakob, in dagko nga hugpong hin mga bukad kundi waray hiya pagtagad. An mga kotse ngadto an tadong ngatanan ha kalye Rosario, ngan tungod kay iginhihisurugat han nagpapangagi tikang ha Puente Espana, masukot magpangukoy ngan managhinayhinay han lakat. Hinkit’an niya hi Juanito Pelaez dida hin usa nga kotse nga nahatutupad hin usa nga babayi nga busag an pamanapton ngan may sukrob nga masilhag nga kuyambong: iya kinilala hi Paulita Gomez.
—Hi Paulita!— nakasiring an iya kalas.
Ngan han kasayod nga hi Paulita man gud, nga nakakasul-ot hin traje de novia, sakay ni Juanito Pelaez, baga gud in tikang pa la ba singbahan, nagsiring:
—Kairo man ni Isagani!— nagsiring. —Ano daw la in pinmaabot ha iya?
Nagpinanumdom anay hin pira kadali han iya
sangkay, dako an kasingkasing, mainalinsakubon, ngan
nakahunahuna nga bangin la maupay kun iya sumatan han
iya bubuhaton, kundi nakahunahuna liwat nga hi Isagani
diri manta matampo hin pamatay han igkasitawo...
Hi Isagani waray pagsugara ha iya.
Unina nagpinanhunahuna nga kun waray hiya unta
