kabilanggo, karaslon hiyd yana o bangin ginkasal na,
titulado na ka-mediko ngan aadto pag-uukoy, nagpipinamulong,
didto hin usi nga piliw han lalawigan. An
lambong ni Juli, nga namatay han kahulog, linmabay
ha iya panhunahuna; mag-itom nga laga han kasina nanngulipatpat
ha iya mga mata nga dayon niya na man
kahama han pulo han rebolber ngan naurit nga diri pa
uras han makalilisang nga hinabo. Ha gilaydn hinkit’an
niya hi Simoun nga ginmuwa dida han purtahan han iya
balay dara an kahon nga sinusudlan han kingke, nga
pinutos hjn maupay, sinmu!6d hin usa nga sarakyan nga
sinmunod han halaba nga rumbay nga bunyog han kinasal. Hi Basilio,
basi diri mawara kan Simoun, nakahunahuna pagtigaman han
kotsero ngan kinalasan han pakakilala han waray palad nga nagdulong ha iya ngadto
ha San Diego, hi Sinong, an gindabal han Guardia Civil,
an tawo nga parasumat ha iya didto ha bilangguan han
ngatanan nga hinabo ha Tiani.
Tungod kay natahap hiya nga an kalye Anloague amo an pagtitikangan han drama, nagtipakadto an batan’on, nanagmit han pitad ngan nag-una hiya han mga kotse. Matuod man gud, ngatanan namamagtipakadto han daan nga balay ni Kapitan Tiyago: didto nagtitirok basi managsarayaw ha kahanginan! Hi Basilio nahakatawa han pakakita han magpadispadis nga Guardia Veterana nga namamagbinantayon. Tungod han ira kadamo sinasabot an kalidad kan panagtawo ngan han mga kumbidado. An balay puno hin tawo, nagbubugwas an kapawa dida han mga bintana. An strong nga agian pagsaka gin-alkumbrahan ngan ginpuno hin mga bukad; didto ha igbaw, tingali didto han daan ngan puy-aw nga hurungkuan, nagtitinuktok yana an orkesta hin magpakalilipay nga tunog nga diri gud kaupay liniliga han aringasa han katatawa, hiruhimangraw ngan mga harahara.
Hi D. Timoteo Pelaez nasangpot yana han gihataasi niya nga palad ngan an ginkikita nga iya kahimtangan nalabaw han iya mga inop ngatanan. Iya na ngahaw ipinakakasal an iya anak han gimanggarani nga daraga nga manurunod han mga Gomez, ngan salamat han salapi nga ipinautang ha iya ni Simoun, iya ginhingayad ngan ginpakahadianon adto nga dako nga balay, nga iya napaht hin katunga la han bah; didto naghahatag hiya hin marahalon nga panagtawo, ngan an siyahan
