nga mga pagkadiyos dida han Olimpo Manilenyo asya
an iya pinananagtawo basi an silaw han ira mga ngaran
makapurog han iya bantog. Say naguop han iya hunahuna,
tikang maaga adto nga adlaw, nga waray gud niya
hingangalimti sugad hin usa nga bag-o nga sonata, in mga
puplunganon nga diri kaupay mahayag, nga iya nabasa
dida han iya mga komunyon, nga nasiring: “Inmabot
na an malipayon nga uras! Tikaharani na an dalikyat
nga panahon nga mahimayaon! Diri na mag-iiha
matutuman na an mga darayawon nga mga pulong ni
Simoun: ” Tini ako, lugaring diri ako say kundi an Ka
pitan Heneral amo an hahani ha akon,’ ug iba pa. An
Kapitan Heneral amo an amay ha kasal han iya anak!
Matuod diri matambong han pagkasal; hi D. Custodio an
matindog ha iya, kundi matampo han panihapon ngan
magdadara hin usa nga regalo de boda, usa nga kingke
nga, ano in labot han lampara ni Aladino! . . . —aton
la ini —hi Simoun an nahatag han kingke. Ano pa imo,
Timoteo?
An nabalhindn hadto nga balay ni Kapitan Tiyago dako kaupay; ginhaklupan hin bag-o ngan mahal nga papel; an aso ngan baho han apyan nawara ha kadayunan. An dako nga ruwang dinmugang kahaluag tungod han mga barag-alan nga espeho nga nagpadamo hin wa ray katubtuban han pawa han mga aranya; inalkumbrahan ngatanan: may alkumbra an mga ruwang didto ha Europa, salit bisan kun an salog mainggat hin duro ngan haglapad nga tabla, kinahanglan alkumbrahan gihapon, kay mahihimo ba nga diri? An mahal nga mga lingkuran ni Kapitan Tiyago nawagtang ngan sinaliwanan hin iba, estilo Luis XV; haglapad nga biray nga tersyopelo nga pula, binurdahan hin bulawan ngan han mga kurit han mga ngaran han bag-o nga ginkasal, ngan binutok ha butnga hin may hinugpong nga azahar nga hinimo la, nabibitay dida han mga lagusan, nga nasaghid ha salog an ira haglapad nga pilo nga binulawanan gihapon. Ha mga kasurukan pinanhihikit’an in dagko nga tibod ha Japon nga iginkakalarulat-ang hin kasisugad nga ti kang ha Sevres, nga urav nga matagom an mga tina, nga nanhihitungbaw ha mga kwadrado nga pedestal nga kahoy nga labrado. An diri gud la didto maangay amo an mga cromos nga mag-ilat-igat in tina, nga mga pintar, nga isinaliwan ni don Timoteo han grabado ug mga estampa hin mga santos ni Kapitan Tiyago. Waray ma-
