waring ni Simoun hin sagdon; an komersyante nadiri hin
mga cuadros al oleo, bangin may makasiring nga buhat
adto hin mga pintor nga pilipino 1.... hiya, magbubuhi
hin mga pintor nga pilipino? Dili, mga sano pa man!
Aadd. hito an iya kamurayawan, ngan tingali kinabuhi,
ngan hiya maaram kun inuunano an pagsakay ha kina
buhi didto ha Pilipinas! Matuod ito nga nakabati hiya
hin mga pintor estranghero sugad kanda Rafael, Murillo,
Velasquez, kundi diri hiya maaram kun uunnanhon in
pagsurat ngadto ha ira ngan labot pa bangin liwat makakuntra han gobyemo.... An mga cromos waray kaharadlukan, diri nagbubuhat hito an mga pilipino, ngan
barato pa liwat, amo man la gihapon an gamit, kun
diri lugaring mauruupay pa ngani kay mag-ilat-igat an
tina ngan mahamis nga kahimo! Kaiya daw la nga hi
don Timoteo maaram mamiling hin katigayunan dinhi
ha Pilipinas!
An haluag nga suy-ab nga ginsabngan hin mga bukad, ginhimo nga pangaraunan; usa nga dako nga lamisa ibinutang ha butnga, kanan kakatluan katawo an siya, ngan ha palibot, saikol ha puto, may mga gudti nga lamisa para tagduha o tagtulo katawo. Mga hinugpong nga bukad, tinambak nga mga prutas ha butnga hin mga laso ngan mga suga, amo an nakakapuno han mga butnga. An tangkaan han nobyo kinikilala tungod han inurapong nga mga rosas, ug an kanan nobya tinigamnan man hin mga asaar ug mga asusenas. Ha atubangan hint nga magpakaruruyag nga kaandaman, nga mga laso ug mga bukad, an hino man makakahunahuna nga mga nimpas nga magsilhag an panapton ngan hin mga amorsilyos nga mga laniban an pako amo an magdudurot hin mga nektar ug mga ambrosiya han mga manarangka nga diri lawasnon, ngan dinuduyugan hin mga lira ug mga arpas eolicas
Kundi an lamisa nga kanan mga dagko nga diyos diri nakada, kay nakadto didto ha butnga han haluag nga azotea, ha igbaw hin usa nga makawiwili nga kiosko nga tinuyo pagpahimo para hadto nga higayon. Usa nga rinihasan ngan binulawanan nga mamapara, nga ginsasangburan hin maghamot nga mga balagon, amo an nakakasalipod han sakob basi diri an mga mata han kadam’an managkinulaw, kundi diri nakakaulang han pag-agi han hangin nga nakakapahalayahay han panahon. Usa nga hataas nga tarima amo an binutangan
