han lamisa basi ini lumandaw dida han pangangaunan
han mga adlaw-adlaw la nga mga tawo, ngan may
alkuba nga ginsabngan han gibabantugi nga mga pintor,
asya an nakakatabcn han tungod han mga hadianon nga
ulo basi diri pagkinitaon han mga bituon.
Pipito la an mananangka didto: an mga higamit ha pagkaon mga salapi gud nga bug-os; an mantel ngan mga serbilyetas, gamayay kaupay nga mga panapton. An mga irinmon pmili dida han gimagrasahi ug gimamahali. Hi don Timoteo nagbiling gud han labi kamahal ug kaurusahon nga bisan la ano ngan bangin diri nagalang hin pag-ihaw hin tawo kun daw an Kapitan Heneral nagsiring nga marasa niya kaunon an unod han igkasitawo.
- “Pagsayaw ha bawbaw hin bulkan”
Ha mga ikapito an talma han gab-i nagtikang pagpangabot an mga kumbidado. Siyahan an kagamyan han kadidiyusan, mga gudti in katungdanan, mga puno hin opisina, mga komersyante ug iba pa, nga nagpapanaludo, ha tinikangan, hin mauyam nga seremonya ngan duro nga panuudtuod, baga sugad hiton panhihibard pa la pagsaludo; an duro kadamo nga suga, an patakas nga mga kortina ngan an diri tiaw nga mga espeho nakakapirit hin pagkahimuot. Waray kaiha managhiruhiara ngan namagpasurusuntukay hin kalit, talagudti nga dapi ha tiyan pati ngani may nanhigaroy pagpadaguldagol. Matuod may ada man liwat namagpadayon hin kamaytagundirian daw karuyag nira sidngon nga hiara hira paghitampo hin mauruupay him, kaiya daw la! May usa nga diyosa nga iginhihinuyam kay inuuyaman ngan naglalagutiro na an ginhawa; may usa liwat nga nakiaway han iya padis nga diyos kay iwinaklit an kamot pagtaplong ha iya. Hi don Timoteo nasaludo dinhi, nasuludo didto; rahiyom hin makawiwili, napalubay han hawak, naisol, nabirik hin katunga la, nabirik hin bug-os ug iba pa. salit in usa liwat nga diyosa nga waray pakailob hin diri pagsiring han iya kasapit. ha luyó han abaniko'
