usa nga paghimuot? Iduduhol niya an iya kamot, o
mahulat nga mag-una an Heneral? Panulay! Kay ano nga
waray ini niya hinumdumi ngan iya ipinakiana kan Simoun nga iya sangkay? Basi mahilom an iya kabaraka, nagpakiana han iya anak hin gutiay ngan halaghag nga
tingog:
—Nag-andam ka hin usa nga diskurso?
—Diri na ito yana moda, labi na para hint nga tawo!
Inmabot hi Jupiter, kaupod hi Juno nga an dagway baga an fuegos artificiales: mga brilyantes haulo, brilyantes ha liog, ha mga butkon, ha mga sugbong, ha ngatanan nga bahin han lawas! Nakakasul-ot hin usa nga trahe nga makaruruyag, seda, halaba an ikog, binurdahan hin mga bukad nga pinalupot.
Hi S. E. tinmuod pagtulos hin pagkatag-iya han ba ldy, sugad han pangaro nga binuhat ha iya ni don Timoteo nga nag-aalang. An orkesta nagtuktok han marcha real ngan an diyusnon nga magpadis sinmaka hin makaaramdok han inalkumbrahan nga hagdan.
An paghimuot ni S. E. diri kay tinuyo; tingali amo pa, tikang hiya umabot nganhi ha Kapupud’an, nga hiya alpan hin kamasubo; may kasamdong nga nakakalambong han iya mga panhunahuna. Amo adto an katapusan niya nga paglandaw ha sakob han tuld katuig nga pagkamagburuot, ngan ha sakob hin duha kaadlaw malusad ha kadayunan dida hadto nga kahitaasan. Ano an iya tinatalikdan? Hi S. E. diri buot lumingi ha iya luyo ngan nagapil pagsiplat ha atubangan, han kabubwason! May bahandi niya nga dara, damo nga salapi nga iya deposito didto ha mga bangko ha Europa naghuhulat ha iya, may ada niya mga hotel, kundi damo in iya gindaot, damo in iya kaaway didto ha Corte, an Hataas in Katungdanan aadto naghuhulat ha iya! Iba nga mga heneral namagriko man hin madagmit sugad ha iya, kundi yana mga puto na. Kay ano nga diri hiya umawil magutiay pa nga panahon sugad han sagdon ni Simoun? Ayaw, siyahan an kahihirutan. An mga saludo diri na sugad kasantop han mga una, naabat hiya hin mga paniplat nga tutok ngan may kahagkot; ngan iya binabaton hin tigsad nga pakiangay ngan tinutuyo niya in paghiyom.
—Inaabat nga an adlaw aadto na ha katundan!—
