Inmabót hi S. E. kundi an batan'on waray panginano ha iya: say gin-iininaw an bayhon ni Simoun nga usá han namagkalusád pagtapó, ngan iya nabasa dida han dimagturos nga dagway an ha kamatayon nga paghukóm han ngatanán hadto nga mga tawo, ngan didá hiní inalpan hiyá hin bag-o nga kahadlok. Nanhagkot hiyá, sinmandig didá han kuta han baláy ngan pagkinitaon an mga tangbuanan ngan, ikmat hin pamati an mga durunggan, iya ginbanabana an angay mahanabó. Kinita niya didá ha ruwáng an kadam'an nga nag-alirong kan Simoun ngan namagkinita han kingke; binati niya in mga pahalipay, mga pagdayaw, an mga pulong nga "karaunán, pagbus-og" nakadamo luwasá; nakakitá han Heneral nga tinmawá ngan natahap hiya nga ibubus-og hadto ngahaw nga gab-i sugad han siring han alahero ngan didto gud han lamisa nga tatangkaán panihapon ni Su Excelencia. Hi Simoun nawará sunód ha iya in kadam'an niya nga mga karapigan.
Hadto ngahaw nga makatarag-ob nga uras an iya kamaupay in kasingkasing say pinmasulabi, nahangalimót han iya mga kadurun ton, nahangalimót kan Julí, nag-isip hin pagtalwas han waray mga salá ngan tinmuron, bisan anó in mahanabó, tinmabok han kalsada ngan mag-isaraka; kundi hi Basilio nahangangalimót nga maraot an iya pamanapton; tinapó hiya han bantay ha purtahan, gin-isgan, ngan han pag-abata nga karuyag hiyá magpirit, ginsiring nga kun diri mabali itatawag hiyá hin usa kapadis han Veterana.
Hadto ngahaw nga vras nalusad hi Simoun nga bagá_ginduduas. An bantay han purtahan tinmalikód kan Basilio ngan sumaludo kan Simoun bagá sugad hin naagi in usa nga ladawan hin santos. Hi Basilio sinmabót didá han pangahimó nga adto nga paglusad pagbaya na hadto nga balay nga makaharadlok ngan nga an kingke pinaruktan na. Alea jacta est.' Dará han ka- hadlok han kamatayon, nakahunahuna hin paglikáy. Bangin may mahalangkag nga usyuso hin pagbutingting han aparato, paulputón an pabilo, ta, amo na ngahaw, magbubutó ngan an ngatanán manhihilubóng. Hinba- tián pa niya hi Simoun nga nagsiríng han kotsero:
-Ha Escolta, dalí!
Lisáng ngan hadlok bangin an makalilisang nga pagbutó hanabó, nagdamit hiyá nga gayód hin pagpahi- rayó didá hadto nga tampalasan nga lugar: an iya mga
