kablas nga klerigo nga indiyo, nga puy-aw didto ha butnga
hin kagurangan, ha mamingawon nga ligid hin dagat!
Kalabyawan han mga paglabyaw ngan ngatanán la paglabyaw!
Ngan adto nga tawo, ha sakób hin pirá kauras,
pagdadakpon, pagrarakuton didá han higdaan nga hinmumutangán,
hin waray pagtagád han iya kahimtang, hin
waray paghunahuna han iya mga kasamdan, vivo o muerto,
kay ginkikinahanglan han iya mga kaaway! Uunanhon in pagtalwas ha iya?
Diín pamimiling han mga pulong han obispo ha Constantinopla nga nakakabantad?
Ano in gahóm han ubós la niya nga mga pulong, han mga
pulong hin usa nga klerigo nga indiyo, nga uraura kaubós,
nga kan Simoun ngahaw, han mahimayaon pa niya
nga mga adlaw, bagá gindadayaw nga gin-aaghat?
Hi P. Florentino waray na nununumdom han mahagkot nga pakiangay ha iya han alahero mga duhá kabulan pa la nga nahagos, han pagkadtua niya pakibulig han kapreso ni Isagani dará han kasindak nga waray paghirót; nahangalimót han pangahás ni Simoun nga mahanayón hin dagmit an pagkasál kan Paulita, pagkasál nga nakadarabig kan Isagani hin usa nga mabangis nga kaurit han igkasıtawo nga say nabarak'an han batá; hinngangalimtan ni P. Florentino ngatanan ngan say la niya hinnunumdumán an kamutangan han masakit, an iya katungdanan para han sumasaka, ngan nalilisangan han iya ulo. Angay niya taguon basi iglikáy han bubuhaton han mga hukmanan? Kundi an taglawas ngahaw an diri nanunuron, nahiyom la....
Amo ini an ginpapainoino han tigurang han pag-abót hin usa nga suruguon pagpasabót nga an masakít buót makihimangraw ha iya. Napasingadto hiyá han sunód nga sulód, usa nga pahuwayán nga mahinis ngan pinahanginan hin tukib, an salóg haglapad nga tabla nga pinainggat hin maupay, sangkap hin mga garamitón ha pagpahuway nga mga yano la, nga may dagko ngan magbug- at nga butaka nga kinadaán, diri binarnisán ngan waray mga dibuho. Ha luyó nga piliw usa nga dako nga higdaan nga kamagóng, nga may uupát nga tukó nga hirigtan han moskitero, ngan tupád hiní may uusá nga lamisa nga punó hin mga botilya, gasa ngan mga iburutok. May uusá nga ludhanan ha tiilán hin usa nga Kristo ngan hin gutiay nga biblioteca, nakakahatag hin katahap nga adto amo an pahuwayán han padi nga ihinatag han sumasaka,
