estudyante;—bisan diin nagpapakabuhi.... Ngan kun tutuuron ta in usa nga tawo, napalit hiya didto bin pipira katawo bin mga alahas ha katunga la in bayad han iya hito ngahaw nga mga alahas pagbaligya han pagpalita ha iya kay iginreregalo... Ngatanan nagpa pakabuhi dinhi hini nga tuna, kami la an diri.
Ngan magpadayon ngadto ha iya balay, karuyag sidngon, ngadto han balay ni Kapitan Tiyago nga inuukyan hin usa nga tawo nga iya natatapuran. Ini nga tawo, nga dako an katahod nga gindadara kan Basilio tikang hadto hin usa kaadlaw han pakakita niya nga nag-operasyon hin usa nga may sakit, nga baga sugad la hin nag-ihaw hin manok, naghuhulat ha iya kay susumatan niya hin damo nga mga notisya. Duha han mga magburuhat nabibilanggo ngan bangin ngani panhalinon... damo in namatay nga karabaw.
—Amo la gihapon. mga bahaw nga sumat!—binabaton ni Basilio, sinusumhan;—amo la ito gihapon nga mga sumbong nga imo ha akon itinatapo:
An batan’on, diri tungod kay matalumpigos nga agaron kundi kay masukot pag-isgan ni Kapitan Tiyago, naruruyag man liwat hin pag-isog hadton iya hinsasakupan. An tigurang namiling hin bag-o nga notisya.
—Namatyan kita hin usa nga saop, an lagas nga magmarangno han kagurangan, ngan an padi waray tumugot nga iglubong sugad hin kablas kay, nganiya, salapian man iton agaron!
—Ano man in namatyan nga sakit?
—Kalagas.
—Amo la, kalagas! Kun namatay na man la unta hin bisan la ano nga sakit!
Hi Basilio, tungod han iya hingyap hin pag-awtopsiya, karuyag in may sakit.
—-Waray mo sadang igsumat ha akon nga lain? Nakukuhaan ako hin gana hin pagkaon hito nga imo mga notisya nga amo la gihapon. Waray mo hinbabaruan tikang ha Sagpang?
Iginsumat na ngahaw han lagas an pagbihaga kan Ginhaupan Tales. Hi Basilio nahapaudong, nanmurubuot ngan waray pagyakan. Hinnayunan an kawacTi hin gana ha pagkaon.
