gin-antos, tuod ha akon: ikaw diri an bisan la hino nga nakakasiring nga hi Alahero Simoun amo an nagpapakabuhi nga nagtutukso han inga punuan nga managpatakas han buhat nga maraot basi an mga nanhihiunong mamalit han iya alahas... Amo ako an hukom nga karuyag magsirot han paagi ha pagpasugot ngan say ko ginagamit ha iya an iya ngahaw mga pagtalapas, akon inaaway pangulug-ulog... Karuyag ko nga buligan mo alto, nga gamiton mo iton imo gahom dida hiton mga batan’on hin pagsupil hito nga mga waray himangkaagan nga talinguha hin pagkakatsila, hin pakigkasisugad, hin pakigturupong han mga katungdanan. Dida hito nga dalan an labi nga aabutan amo an kadiri hiro nga kasubad; an bungto angay maniplat hin haruhataas. Usa nga kalinurungan an pag-isip hin pagbalhin han panhunahuna han mga magpasurugot; ito hira may ada nira dalan nga ginsusulsog, piniot hira nga daan salit, labot la han pagkinarag han panahon hin waray himurulsan, iyo ginlilimbungan an bungto hin mga kawang nga paglaom ngan nabulig ia kamo hin pagpatungok han iya ulo ha atubangan an maraugdaog. An iyo angay buhaton amo an pagpahimulos han iya mga nababarak’an ngan say niyo gamiton nga pangaway. Diri nira karuyag nga masugad kamo han bungto nga espanyahonon? Maupay! Lutod kamo ha pagpahataw han iyo kinaiya nga pamatasan, say niyo atubangon an pagtukod han tutungtungan han pilipinhon nga natawhan tuna... Diri ha iyo nahatag hin mga paglaom? Salamat! . Ayaw kamo paglaom dida ha ira, paglaom kamo ha iyo ngahaw ngan pagbudlay kamo. Diri kamo tinutugutan nga mamay-tinubyanan niyo didto ha Cortes? Labi nga maupay! Pananglitan mahimo niyo in pakapadara ngadto hin iyo pinili nga mga Diputado, ano in iyo mahihimo didto kundi kaliga la hiton kadam’an nga tingog ngan pag-uyon han iyo paghitambong, han mga pagpahusa ngan mga pagtalapas nga ha katapusan bubuhaton? Hamtang kulang hin paggawad ha iyo hin mga katadungan, darudako an iyo katadungan hin pagpalos han iyo higot ngan pagbulds ha kamaraot. Diri kamo gintututduan han ira yinaknan, an iyo in say pag-admi, igpasangyaw, paghupti an bungto ha kalugaringon nga panhunahuna, ngan maghingyap kamo, diri kay alagad la han lalawigan, kundi alagad han kabug-usan han nasnod; diri panhunahuna nga ginbu-
