An sumat mahatungod hadto nga desgrasya nagsarang didto ha bungto; ikinasakit han iba, an iba, nagpakuro han sugbong. Waray hadto may ginsasala, waray may nagbibinasol ha iya ngahaw.
An tenyente han Guardia Civil waray hipausa; may sugo ha iya papamawi han nga pusil ngan nagtuman hiya han iya turumanon; nagdadakop hiya han mga tulisan kun iya nahihimo, ngan han paggawara . kan Ginhaupan Tales nagsugo hiya hin usa nga patrulya ngan nagdara ha bungto hm lima kun unom ba nga hurunanon nga mga binaklid nga ira gintatahapan, ngan kun waray nira hiagii hi Ginhaupan Tales tungod kay waray dida ha sakob han panit han mga dinakop nga pinamag-apatong hin waray kaluoy.
An lego nga magmarangno han karaanan pinmakuro han mga sugbong. Waray niya labot; buhat adto han mga tulisan! Hiya nagtutuman la han iya turumanon. Matuod nga kun waray hiya pagsumbong tingali diri nanmawi han mga pusil, ngan an makaluluoy nga Ginhaupan Tales diri unta binubugkot; kundi hiya, hi Fr. Clemente, kaangayan maghirot han iya mga ka taragman ngan adto nga Tales may ada paniplat nga baga sugad hin nagbibiling hin bahin dida han iya lawas nga padudultan han bala. Kinaiya adto nga pagtagam. Kim may ada mga tulisan diri iya sayop, diri iya turumanon an panakop ha ira: kanan Guardia Civil ito tungod. Kun hi Ginhaupan Tales nagliningkod la didto ha iya balay, waray pagsinudoy han iya mga tuna diri unta nabibihag. Mag-aano kita, sirot na adto han langit han mga tawo nga naglalaris han inuungara han ira Corporacion.
Hi Hermana Penchang, an makidiyos nga ginang nga pinangangagarunan ni Juli, nahabaro, nagluwas hin duha kun tulo ba nga susmaryosep!, nangudos ngan magsiring:
—Masukot mahanabo ito nga gawad sa Dios ha aton kay kita magpakasasala, o kita may kaurupdan nga magpakasasala nga angay ta unta pagtutduan han pagdiyos, ngan waray ta buhata.
Ini nga kaurupdan nga magpakasasala karuyag sid-
