ngon hi Juliana; para han makidiyos nga ginang, hi Juliana dako nga makasasala.
—Hunahunaa niyo in usa nga daraga nga pangarasaw’on na nga diri pa maaram mangadi! Jesus nga iskandalo! Harumamay niyo nga ini nga bergahita nga nangangadi han Maghimaya-ka-Maria nga diri naukoy dida han aada-sa-imo ngan han Santa-Maria-Madre-de Dios nga diri nahunong ha mga-magpakasasala sugad han angay buhaton han maupay nga binunyagan nga nahadlok sa Dios? Diri maaram han Oremus gratiam, ngan naluwas men-tibus diri menti-bus! Bisan hino nga makabati ha iya makakasiring nga nagyiyinakan hin suman sa ibus Susmaryosep!
Ngan dagos pangungudos linalaw-ayan ngan nagpapasalamat sa Dios nga tinmugot nga bihagon an amay basi iton anak hagawas dida han sala ngan mahabaro han mga rayandayan ha kalag nga, siring han kapadian, angay hibaruan han ngatanan nga babayi nga binunyagan. Salit iya hinahawiran dida ha iya balay ha pagsugot, diri niya tinutugutan nga umuli ngadto ha baryo ngan magmangno han iya apoy. Hi Juli kinahanglan mahabaro pangadi, pagbasa han mga basahanay nga ipinanhahatag han mga prayle ngan magguol tubtob ngada han pakabayad han duha kagatos kalim’an kapisos.
Han paghibaro nga hi Basilio napakadto ha Manila pagkuha han iya hinipos kay ilulukat kan Juli dida han balay nga kinauuripnan, nakasiring an makidiyos nga an daraga hangangadto, hin dayon nga paghingadto, ha mga kamot han manunulay nga mapakada ha iya balay ha dagway han estudyante. Bisan la makauurit kundi may katadungan adto nga basahanay nga ihinatag ha iya han padi! An mga batan’on nga nagpapakadto ha Manila pagtuon namamaghikaraot ngan nakakadarahig han iba. Ngan kay nakakasiring nga iya fa talwason hi Juli ha kai,at’an1 iya pinapapagbasa hin balikbalik han basahanay nga Tandang Basyo Makunat‘ ngan gintugon nga kanunay makigkita han padi didto ha kombento, sugad han binubuhat han babayi nga gindadayaw dida han basahanay, han padi nga amo an tagsurat.
Hamtang ini nanhihinabo pinapalad an mga prayle: say nagdaog han kalipungan ngan namagpahimulos han
