Hi Ginhaupan Tales nakakita nga may nagkahuglog nga pira nga bunga, kundi waray pagyakan ngan nagpadayon bin pagtinungkuon.
Ha gilayon nagtikang hin pagkaabot in tinagpira nga mga bumabalay nga nanhihidara han bantog han mga alahas han alahero. Namamaggipahataghatag hin maupay nga pasko, naghihiruhimangraw hin mga misa, mga santos, maraot nga kataon, kundi bisan la, gagastuhon nira an ira mga hinipos ha mga bato ngan mga baratilyo nga tikang ha Europa. Hinbabaruan nira nga an alahero sangkay han Kapitan Heneral ngan diri kawang an pakigkaupay hadto nga tawo alam-agam kun ano la in mahanabd.
Inmabot hi Kapitan Basilio upod an iya asawa, hi Sinang an iya anak ngan han iya umagad, andam hin pagbukalas bisan la mga tulo kayukot kapisos.
Hi Hermana Penchang nakadto man liwat kay mapalit hin singsing nga brilyante nga iya saad han Virgen ha Antipolo; hi Juli iya ibinilm ha balay kay nagsasaulo hin usa nga basahanay nga iginbaligya ha iya han padi hin duha nga dako, nga may lakip nga kap’atan kaadlaw nga indulhensiya nga itinugot han arsobispo hadton hino man nga magbasa o mamati nga pagbasahon.
—Hesus!— nasiring an buutan nga makidiyos kan Kapitana Tika;—ito nga sadang pairan nga bata tinmubo dinni sama han uhong nga tanom hin manunulay... Pinapagbinasa ko han basahanay hin kanan kalim’an kapagliwat ngan waray gud nahabibilin ha panumduman; iton ulo baga in batulang, puno la kun aadto ha tubig. Kami ngatanan pati. an kaayaman, kamisayan, ha pagpinamati ha iya pagbasa, nagpakatirok kami hin diri makulang hin kanan karuhaan katuig nga indul hensiya!
Iginpabutang ni Simoun ha bawbaw han lamisa an duha nga maleta: an usa darudako han ikaduha.
—Kamo diri karuyag hin mga alahas nga double, diri kamo hin mga bato nga de imitacion . An ginang, —say ina-atubang hi Sinang, —karuyag in mga brilyantes....
—Asya, oo, senyor; brilyante ngan iton mga kadaan, sayod ka?— binmaton; —babaydan ni papa ngan
