amo itó an iya karuyag, mga butáng nga kadaan, mga
bató nga kadaan.
Hi Sinang matiawtiaw han duro nga latin han iya amay ngan han an tuman, o maraot nga hinbabaruán han iya asawa.
Say daw! May mga alahas ko nga kadaan hin duro, nagsiring hi Simoun, binuksan han punda nga lona an guruti nga maleta. Asya in usa nga kabán nga asero nga binaid nga damo an rayandayan nga tumbaga ngan may mga yawihán nga magdig-on ngan salikwaot.
-May mga kolyar ko nga kan Cleopatra, nga lehitimo nga tuód, nga pinanhiagián didto han mga piramides, mga singsing hin mga senadores ug mga pagkatawo ha Roma nga napurot didto han mga guba nga palasyo ha Cartago...
- Tingali amo an iginpadará ni Anibal kahumán han away ha Cannes!- sinmumpay hi Kapitán Basilio hin ungud-ungod ngan nakurog hin kalipay.
An buutan nga tawo, bisan nabasa hin maupay han mahatutungód han mga kadaan nga butáng, kay waray man mga museo didto ha Pilipinas, waray pakakita bisan mausa hadto nga mga butáng han una nga panahon.
-May ada ko man liwát mga gimamahalinga bitáy hin mga dama ha Roma nga pinanhiagián didto ha quinta ni Annio Murcio Papilino ha Pompeya...
Hi Kapitán Basilio napiling han ulo pagpasabót nga sayod hiya hadto ngatanán ngan iniirasán pagkinikitaan hadto nga mga magpakawiwili nga mga kabilin han una nga nga tawo. An kababayin'an namagsiring nga karuyag man liwat nira manag-arog hin tikang ha Roma, sugad pananglit hin mga kuwintas nga binditado han Papa, mga hiyás nga nakakakuha han mga sala hin waray na kinahanglan magkumpisál ug iba pa.
Han kaukbi han maleta ngan kabuksi han gapas nga nakakatabon, kinita in usa nga kasón nga puno hin mga singsing, relikaryo, mga trangka ha buhok, mga bitáy nga krus, pakót ug ibá pa. An mga brilyante, sakót han ibá nga mga bató nga magkalainlain an tina, namamag-inggat ngan nanngingiwakiwa dida han mga bulawan nga bukád nga magkalainlain nga kolor, may
