—Ako? Bisan tulo kapisos diri ako hito mapaiit!
—Mahihimo hin karuhaan, gungga.— nagsiring hi Kapitana Tika daw may pagkaantigo an iya tingog; —bisan la iton bulawan maupay ,kun tunawon mahihimo pa in iba nga alahas.
—Ini nga singsing asya in usa han mga gintag-iya ni Sila, —nagpadayon hi Simoun. Asya in usa nga singsing nga halapad, bug-os nga bulawan, ngan may itirion paglakre hin surat.
—Amo ini an iya ipinirma han iya sentensiya pag- papatay ha sakob han panahon nga iya kamagburuot,— nagsiring kan Kapitan Basilio nga nanluluspad han kaamdok.
Ngan iya ginbidbid ngan nag-ipagbarasa han kurit nga itirion; kundi bisan kun iya ginbinarubalikad kay waray niya kalibutan han paleografia, waray niya ka- himo mabasa.
—Uraura man an mga tudlo ni Sila!— nagmugo katapos. —Masisiya in duha nga tudlo naton; amo gud an siring, nagtitikaubos kita.
—May ada ko pa iba nga mga alahas.
—Kun puro sugad hini, salamat na la,— nagmugo hi Sinang. —Karuyag ko an mga kinabag-o.
An tagsatagsa naghinpili han karuyag nga alahas; may pinmurot hin singsing, may ginmapil hin relos, may naruyag hin guardapelo Hi Kapitana Tika pinmalit hin usa nga relikaryo nga may dara nga pinit han bato nga sinarigan han aton Ginoo dida han ikatulo nga pagkapukan; hi Sinang pimnili hin usa kapadis nga pendiente, ngan hi Kapitan Basilio an kadena hin relos nga tugon han alperes ngan hin magpadis nga pendiente kay ataga han padi ha usa nga ginang ngan hin iba pa nga igin-reregalo; an iba nga mga mag- ugrupod nga taga didto han bungto ha Tiani, nga diri man lupigan han taga San Diego, sugad man nagwad- wad han ira mga hinupaw.
Hi Simoun namamalit man liwat hin kadaan nga mga alahas, nabalyo, ngan an mga maghinipuson nga mga iroy namagdara han diri na nira gin gamit.
—Ngan ikaw, waray mo sadang igbaligya?— nag- pakiana hi Simoun kan Ginhaupan Tales han paghikit’i nga nagkikinulaw hin mag-ipahon nga mga mata han mga paggipalitay ngan paggibaligyaay nga iya nata- tan-aw.
