pahimulos dida han mga sayod han iya mga kauyag sanglit
kay maupay ha taktika, sugad han mga ulug-ulog han
kanonigo. Waiay kalibutan ni P. Camorra nga dida
hadto nga mesita gin-uuyag an kabubwason ngan kauswagan ha hibaro han mga pilipinhon nga amo an pagtutdo han kinatsila, kay kun nasabot la hiya tingali ha dako nga kalipay, inmapi hiya han uyag.
Dida han balkon nga bukas an bug-os nga kahilab’an, nasulod an harupoy nga mahalayahay ngan uray, ngan hinkikit’an an mga tubig han danaw nga nangurob bin malipayon ha mga tiilan han balay daw an naghahatag hin pagpasidungog. Ha too, didto ha hirayo, kinikita an puro ha Talim nga daw uray nga tagom; ha butnga han danaw, ngan haros ha atubangan, may gutiay nga lunghaw nga puro, an puro ha Kalamba nga nag-uusaan, an hitsura daw bulan ha kaudto nga subang; ha wald, mahusay nga baybayon nga sinabngan hin kakawayanan, may bukidbukid nga naangbo ngadto ha danaw, ngan nasunod in haluag nga kaumhan, unina mga pula nga atop nga sakot han masirom nga kamalunghaw han kakahuyan, an bungto ha Kalamba, sunod an baybayon nga napapaia tikadto ha hirayo, ngan ha sag-od an langit nga nataklob han kasidsiran nga nalugsad ngada ha mga tubig kay paghatag han danaw hin dagway hin dagat ngan papagmatuod han kanan mga it diyo pagngaran nga dagat nga tab-ang.
Ha usa nga katapusan han ruwang, nalingkod ha atubangan hin lamisa nga binubutangan hin kapapilan, nakadto an Seketaryo. Hi S. E. makurimot ngan diri naruruyag pagkarag hin panahon, salit naglalarang ngan nagtutuhay han mga asunto hamtang nag-aalkalde didto han tresilyo kun nagbabahinbahin han baraha.
Hamtang waray sugo, an Sekretaryo nahuyam ngan nangungunat. Hadto nga aga an iya buhat amo an ha adlaw-adlaw nga panhukas hin katungdanan, panliwan, panhalin, paggawad hin kaupayan ug iba pa, ngan wa ray paglalabti an dako nga asunto nga amo an nakakaaghat han mga usyuso, an pangaro han mga magturuon nga matugutan pagtindog hin usa nga Academia de Castellano.
Naglilinakatlakat patapustapos han ruwang ngan nakikighinimangraw hin waray hingan, gutiay la an tingog, kinikita hira D. Custodio, usa nga hataas in ka tungdanan ngan hin usa nga prayle nga nagtitinungok
