88 kanán nagpipinanmurubuót o waray hiaayuní; an iya ngaran amo hi P. Fernandez. Didto hin usa nga sulód nga haraniay binabati an aringasa hin mga bola nga nagkakairintok, katatawa, harahara, sakót an mamará ngan mataróm nga tingog ni Simoun: an alahero naki- kigbilyar kan Ben Zayb.
Ha gilayon hi P. Camorra binmuhát:
-Umuyág hi Kristo, punyales!-nagmugó ibinua- lág an duduhá nga baraha nga nahasasalin ha iya kamót, ngadto ha ulo ni P. Irene. An pusta siguro na unta, kun diri na man la an codillo! Ngan napiyerde kami kay ipinanubyan. Punyales, hi Kristo in umuyág!
Ngan duro an pangisog, naghahatag hin kasayuran han ngatanán nga nakadto ha ruwáng say tinatadong an tutuló nga namamaglinakatlakat pinakakasugad niya hin mga hukóm. Nauyag an Heneral, iya kinukuntra, hi P. Irene may ada na basas, hiya naarastre han es- pada ngan, punyales! an kamote nga P. Irene diri na- sugot, diri ibinubutang an mala. Umuyag hi Kristo, kun asya ito! An anak ni iya inay waray pakadto pag- buong han ulo hin waray la data lakip an pagpirdi han iya salapi!
-Nakakasiring ada itó nga lusngog, nagyiyinakan, namumulá, —nga hin-agián ko ito hin linuróng la nga paagi. Hingan kay niin akon mga indiyo nagtitikáng na hin pakitawad!
Ngan nagpadayon han ngurutob, waray pamamati han mga pamaribad ni P. Irene nga hamtang nagha- hatag hin kasayuran, naghihinapyod lian iya irong basi matago an iya hilit nga tawá, napasingadto ha bilyaran.
-P. Fernandez, karuyag ka lumingkod?- nag- pakiana hi P. Sibyla.
-Maraot ako umuyag hin tresilyo!- binmaton an prayle nanyam-'d.
-Kun amo, pakanhia hi Simoun,- nagsiring an Heneral. Hoy, Simoun, hoy, mister! Karuyag ka umuyág hin usa nga partida?
-Ano in mahihimo mahatungód han mga armas de salon? -nagpakiana an Sekretaryo pagpahimulos han dalikyat nga pag-ukóy. Hi Simoun hinmiling han ulo.
-Karuyag mo lingkurán an binuhatán ni P. Ca- morra, Sr. Sinbad? -nagpakianá hi P. Irene; -an ipupusta mo mga brilyantes diri fichas.
