142
Nagtiharani hi Stsa, inaabat niya nga iginraraysang an iya dila han kahadlok ngan nagmamamara an iya but-ol.
— Pagsumat han kamatuuran, kun diri igguguos ka namon didto hadto nga kahoy ngan pabubuthan ka namon anes — nagsiring in usa ha ira hin tingog nga panarhog.
An babayi sinmiplat ngadto han kahoy.
— Asya ka an iroy han mga magkawat, ikaw? —— nagpakiana in usa liwat.
— lroy han mga magkawat? —— sinubad ni Sisa.
—Hain na an salapi nga dara ha imo kagab-i han imo anak?
— Ah! an salapi...
— Ayaw pagdiwara kay magdadact ka lugod! — namulong an usa. Napakanhi kami pagdakop han imo mga anak kundi an magurang nakapalagiw; diin mo tagua an manghod?
Nakaginhawa hi Sisa han pakabati hini nga pulong.
— Senyor, — maiha na nga waray ako igkikita hito nga akon anak hi Crispin; gasi ko adto igkita ko yana nga aga didto ha kombento, kundi didto ginsiring la ako nga...
An duha nga sundalo naggisiplatay.
—Ta, kun asya! — nagsiring an usa ha ira; — ihatag na la ha amon an salapi ngan diri ka na namon paglalabtan.
— Senyor! — nakimaluoy an waray palad nga babayi; — iton akon mga anak diri mangangawat bisan pan-gutumon; hiara kami hito pag-antos. Hi Basilio waray ha akon humatag bisan mausa nga guti; pamilnga la niyo ha bug-os nga balay ngan kun may iyo hiagian nga sikapat kamo na la in pag-igo ha amon. Kami an mga kablas diri ngatanan magkawat!
—Kun amo,—nagsiring an sundalo hin hinay-hinay ngan say ginkikinita an mga mata ni Sisa—maupod ka ha amon; iton imo mga anak, mangungulpot na la ito ngan ihahatag an salapi nga ira kinawat, Tana!
— Ako? .. upod ha iyo? — nakasiring an babayi nag- titiisol ngan nahahadlok pagkita han uniporme han mga sundalo.
— Kay ano in kadiri?
