146
nga may ada bantay, nag-isusulod hiya ngadto, kundi usa liwat nga tingog nga labi pa kamapiriton nakapabalik ha iya.
Ha hialang nga pitad ginbiling niya kun diin tikang adto nga
tingog, inmabat hiya nga igintitikwang hiya didi ha luyo,
pinmiyong hiya, pinmitad nakaduha ngan, kay nanluluya
na, pinmakarugmok ha tuna, siyahan nahapaluhod hiya, katapos nahapalingkod. Usa nga pagtangis nga waray luha, waray tingog, waray haroy, asya an nakakapagbinikho ha iya.
Asya adto an kuwartel. May ada didto kasundaluhan, kababayin’an, kababuyan ngan kamanukan. May ada namamagtahi han ira mga dugnit kay ba man an ira babayi nahapapahigda la dida han bangko, naulon dida han paa han lalaki, natabako ngan burigo, nagkikinita ngadto ha atop. An iba nanmumulig han kalalakin’an pagbunak han ira mga panapton, mga hinganiban ug iba pa, namamagkinanta hin hinay la nga tingog, hin mga karantahon nga maglaw-ay.
— Baga nagpakakalagiw an mga piso! Ugang la an iyo nahadara! — sinmiring in usa nga babayi han nagka- kaabot: waray la adto sabuta kun nahananabi kan Sisa kun han ugang ba nga nag-iiniyak pa.
— Oo, mauruupay gad gihapon an ugang han mga piso! — hiya la ngahaw in binmaton ha iya han pag-abat nga an mga sundalo waray panagtingol.
— Hain an sarahinto? — nagpakiana, in usa han mga sibi], nauurit na, —- Nagpasabot na kamo ha alperes?
Mga kiwa hin mga sugbong pagpakuro amo la an baton: waray gud may nabudlay pag-usisa mahatungod han nasusugaran hadto nga babayi.
Didto hi Sisa pag-inukey ha sakob hin duha kauras, dapit waray kalibutan, nabuburon didto ha usa nga piliw, tinatage an ulo dida han iya mga kamot, napapagpag an buhok. Udto na nga mahabaro an alperes ngan an siyahan nga binuhat asya an diri pagtuod han sumbong han padi.
-— Asahan iton buhat hito nga kuripot nga padi! — nagsiring ngan magsugo nga buhian an babayi ngan waray na bisan hino maghilabot hadto nga hinabo.
— Kun buot niya nga habalik pa adton nawara ha iya, -— nagsiring pa, — pangaruon niya kan S. Antonio,” kun diri magsumbong hiya didto ha Nuncio.‘ Asahan!
Tungod hini, hi Sisa ginpalakat didto ha kuwartel, haros igintitikwang, kay hiya diri na buot magkiwa.
