an prinsesa ngan han higante nga dinmagnas ha iya, kay nasiring hiya nga labi unta adto kamakaruruyag pagkit’on, labi na kun an higante diri dinudultan hin salsaion kun diri
dida la ha pusod, sugad kan Ferragus nga hinnanabihan dida han kaagi han Doce Pares. An M. R. P. Fr. Damaso, dara han kamaupay hin kasingkasing nga say ha iya napasahi han iba, nauyon han panhunahuna han gobernadorsilyo ngan nasumpay pa nga an prinsesa na la adto unta in nananalinguha pagtultol han pusod ngan butangan an higante han angay ha iya.
“Diri ko na angay ig-asoy nga dida han amon panagkita waray gud itugot han kamahigugmaon han Rothschild nga pilipino nga makulang in bisan la ano: mga sorbete, limonada, mga pahagkot, magtam-is, irinmon ug iba pa, nagsusulatsugat dida han amon pinanlilingkuran. Inabat gud kaupay, ngan angay man liwat, an kadiri didto paghikit'i han kilala ug maaram nga batan’on nga hi D. Juan Crisostomo Ibarra nga, sayod ka man, asya buwas in mangungulo han pagbunyag han siyahan nga bato hiton dako ug hinurunghan nga iya ginlulugaringan pagpatindog. Ini nga tulin han mga Pelayos ug mga Elcanos (kay bantog nga usa han iya kaaapuyan dapit ha amay taga didto han mga mag-isog ug hamili nga mga lalawigan naton ha Amihanan, tingali usa ngani han siyahan nga mga kaupdanan nira Magallanes, o Legaspi ba) waray gud pakita han magkulop kay may ada gutiay nga binabati. An iya ngaran linuluwas han ngatanan nga baba(/7) ngan linuluwas upod hin mga pagdayaw nga waray Iain nga kahulugan kundi hingpit nga himaya han Espanya ug han mga tuminungnong nga ispanyahanon sugad ha aton, nga diri naton pinangingibaiba an aton dugo bisan pa kun duro na an paghisakti hin lain nga dugo.
“Yana, may ikanapulo kag-usa ha aga, hintambungan namon in usa nga kiritaon nga makaaramdok kaupay. Ini nga adlaw sugad han hinsasayuran na han kadam’an, asya an kaadlawan han Virgen de la Paz nga ginsasaurog han mga Hermanos han Santisimo Rosario. Buwas man an kaadlawan han Patron San Diego ug say mamumuno ha pagsaurog an mga Hermanos han V. O. T. Dida him nga duha nga katig-uban may usa nga pinairanon nga pagpaisanisan han pag-ataman sa Dios, ug ini nga diniyusnon nga buhat danay makahatag ha ira nga duha hin mga binaraanon nga kasiribton ha buot, sugad han nahinabb hini nga urhi
