Ngatanan an sayod han nasugaran han amay ni Crisostomo nanlingi ngan nanliparo, abi ta pa: "Hala ka! Buot ka ada hin aringasa!" kundi an iba nga baga magli nuy'anon namagbaton:
—Bangin kun ginugul'an hin gutiay.
—Ano nga gutiay? nakasagbang an alperes; nugul'an gud ngan bangin ngani, siring pa han akon hinbatian, araydon nga dako. Harumamay ba adto nga wali!
—Asya in usa nga wali nga diri samahan, hataas in sinmiring an Escribano abot!
-Makairindig, halarom santupon! —sinmumpay in korresponsal.
—Basi in usa makapamulong hin sugad hadto kinahanglan nga mamay-baga nga sugad hiton iya, —an pulong ni P. Manuel Martin.
Waray ha iya itinutugot han agustino kundi baga la.
—Ngan han kamasayunay makaagi hin pulong, dinugngan ni P. Salvi.
-Maaram kamo nga aanhi kan Sr. Ibarra an gimau- payi nga kosinero ha lalawigan? - nagsiring an Alcalde dapit pag-utod hadto nga hiruhimangraw.
—Amo ito an sumat, kundi iton iya mahusay nga kasapit diri ginpapakatakos kay an tuman la nga natilaw hinin pagkaon, binmaton in usa han mga empleados.
—Hi Maria Clara baga nahakakaawod.
—Iginpapasalamat ko ha imo . . . nga naluluoy ka hin paghinabi ha akon, —binmaton, duro an kaawod;—kundi...
—Hiton imo la pagtambong imo na ginpapakatakos ini nga pangaon, hinuman han matinamuhon nga Alcalde ngan atubangon hi P. Salvi
—Padre Cura, hinataas an tingog, naabat ako nga hinin bug-os nga adlaw hi V. R. waray pagyayakan nagbibinuot la.
—An Sr. Alcalde uraura kamainaw! —nagmugo hi P. Sibyla hin tingog nga kinaiya.
—Batasan ko ito, —napirit pagyakan an pransiskano; mauruupay ko an pamati han say ako magyiyinakan.(3)
—Hi V. R. nagapil gihapon ngadto ha pagdarag'an diri ha kapirdihan! nagsiring an alperes hin tingog nga dapit tiaw.
Kundi hi P. Salvi inul-ulan: nagdingga an paniplat hin nadaliay ngan sumiring:
