454
Nagtitikaabat an mga lirik han sakayan.
—Tinatapo kita tikang ha tabi, — nagmugo hi Elias, nababaraka.
Ngan hininayhinay niya pagbirik an baluto ngan magbinugsay tipakadto ha Binangonan.
Kundi ha dako niya nga kabaraka an lunday binmalhin man liwat hin dulong ngan may uusa nga tingog nga naggiginuliat ha ira.
Pinmaukoy hi Elias ngan namurubuot. An sagni harayo pa ngan diri maiha maaabot na hiya han bala han mga pusil han taga lunday. Naisipan niya in pagbalik ha Pasig: an iya baluto maturutulin. Kundi, kawaray palad! may usa liwat nga baluto nga nagtitidaop tikang ha Pasig ngan didtc inaabat an gimlat hin mga kapasete ug mga bayoneta hin mega sibil.
—Panhidakpi na ha aton!— nagsiring iginpurud-as,
Naniplat hiya han iya magbaked nga mga butkon ngan atubangon an amo na la nga sadang likyan, an Puro ha Talim,” ngan ngadto hiya pagbinugsay, ubos an iya kusog. Nasulhog man an adlaw.
An baluto nagkakanap la; hinkit’an ni Elias didto ha lunday, nga nagtitibibirik, in mga tawo nga nagkakatukdaw ngan namamagkinampay.
—Maaram ka mag-ulin?— nagpakiana kan Ibarra.
—Oo, kay ano?
—Kay waray ta lulutsan kun diri ako lumukso ha tubig pagwara ha ira. Kun hikit’an ako nga maambak ira ako paglalanaton, ngan maupay ako lumangoy ngan sumulinap . . . iaantaw ko hira ha imo ngan unina manaJinguha ka na la hin pangalagiw.
—Ayaw, iluba ta ini ngan unungi ta han aton kinabuhi!
—Kawang la, waray hinganiban, panmamatayon la kita nira hiton ira mga pusil sugad hin katamsihan.
Hadto nga dalikyat nabati ha tubig in pagtagusop daw usa nga puthaw nga ginbangga ngan isinubsob ha tubig, ngan sinundan dayon hin usa nga buto.
—lit’ na man! — sinmiring hi Elias, ibinutang an bugsay ha sag-od han baluto. —Pagkita na la kita han gab-i han Pasko ha Pagkatawo didto ha linubngan han imo apoy. Pangalagiw!
—Ikaw?
