455
—Ginbawi ako sa Dios ha magkurukuri pa hini nga kataragman.
Naghugkas hi Elias; an iya bado ginusi ha iya kamot hin usa nga bala ngan nadungog in duha nga buto. Waray karikandikan, nakigkamot anay kan Ibarra nga nahapapahigda ha sag-od han baluto; katapos tumukdaw ngan umambak ngadto ha tubig, sinikaran an gutiay nga sakayan.
May naggugliat ngan waray kaiha inmutwal didto ha antaw an ulo han batan’on, kay pagginhawa, ngan matago liwat.
—Aadto! aadto! —nabati ni mga tmgog ngan nanhagurong in mga bala.
Ginlanat hiya han Iunday ngan han balute: may uusa nga bagis ha tubig nga nagigintigaman han iya lakat nga nagtitiharayo na tikang didto han baluto ni Ibarra nga iginaanod sugad hin waray sakay. Ikinapag-utnga han naglilinangoy pinalalanatan hin bala han mga sibil ngan taga lunday.
Naiiha na an palanat; an baluto ni Ibarra harayo na, an naglilinangoy nagtitiharani ha sagni nga may kakalim’an pa kadupa kaantaw. Pinan-gugul’an na an mga magburugsay, kundi hi Elias amo man liwat kay masukot na umutwal ngan ikinapag-utwal jain an tadong, dapit ada paglipat han maglalanat. An bagis ha tubig diri na nakakatigaman han lakat han naglilinurop. Nakausa pa hikit’i nga umutwal ha may mga napulo kadupa ngadto ha baybayon, pinabuthan...nahagos in mga minutos; waray na may inmutnga dida ha bawbaw han mahamis ug malinaw nga danaw.
Mga tunga hin uras tikang hadto, usa nga magburugsay nagdidig-on nga nakakita didto ha ligid han baybayon hin dugo dida ha tubig, kundi an iya mga kaupdanan namagpilingpiling la, waray sasabuta kun pag-uyon adto nira, kun pagriwa ba.
Kanugon la han katambak ha talad han magpakaruruyag nga mga ayog ha pagkasal; an mga brilyante ha sakob han mga burutangan nga estutse an mga binurdahan nga pinya, an mga igagama, waray gud pakaaghat han panipliat ni Maria Clara. Nagsisiniplaton hiya hin diri nakakakita ug
