456
Waray katha inabat niya in duha nga kamot nga pinmiot han iya mga mata ngan in usa nga malipayon nga tingog, nga asya an kan P. Damaso, nga nagsiring.
—Hino ako, hino ako?
Hi Maria Clara pinmuluspugos ngan sinmiplat ha iya hin may dara nga kahadlck.
—Lurong, nahadlok ka ano? Waray mo ako pagpapamulata, ha? Tikang pa la ako ha lalawigan, nakanhi ako pagtambong han pagkasal ha imo.
Ngan daupon nagtitinawa, ngan iya iduhol an iya kamot basi hadkan. Hinmarani hi Maria Clara, dapit nagaalang, ngan dad’on an kamot ha tya mga im-im tungod hin pagtahod.
—Inaano ka, Maria?— nagpakiana an pransiskano nga nawad an han kalipay ug napuno hin kalisang; — mahagkot inin imo kamot, iginduduas ka . . . masakit ka inday?
Ngan iya kabigon tipakada ha iya upod in kamainugayon nga diri sadang ikatahap ha iya, kinaptan an duha nga kamot han daraga ngan pagkinitaon ha nawong, sugad hin may iginpipinaktana,
—Waray mo na pagtapod hinin imo amay ha bunyag? — nagpakiana hin tingog nga kanan pag-uba; —kadi, lingkod didi ngan sumati ako hiton imo nabibiduan, sugad han imo hin-aaraan ha akon han gutiay ka pa, hadto kun nangangaro ka hin taro nga hirimuon nga batabata. Sayod ka nga minayuyo ta ikaw gihapon . . . waray ta ikaw kasinahi. . .
An tingog ni P. Damaso mahumok ngan mainugayon. Hi Maria Clara nagtuok.
—Nagtatangis ka? Ano in pagtangis mo, iday? Nagaway kamo ngan hi Linares? Hi Maria Clara nanarop han talinga.
—Diri ako hito buct mamati . . . yana!— ginmuliat.
Ginkinita ni P. Damaso, puno hin paghitingala.
—Diri mo buot itaped ha akon iton imo sekreto? Diri ba gintuman ko an ngatanan nga imo naruyagan?
Ihinangad han daraga an rya mga mata nga malinuhaon, nagkinita ha iya nadaliay ngan magtinangis liwat hin duro.
—Ayaw gad pagtinangis, anak ko, kay iton imo mga
