461
—Diri ka haaabot nga buhi ngadto ha iyo bungto, intoy! Niyang nga gab-i may ada ta manok ngan hin tapa nga baboy nga ihalas. liliwon ka hadin akon mga anak kun magpanguli tikang ha buhat . . .
—Damo imo anak, kundi hi nanay duduha la kami; bangin adi nakasiring nga patay na ako! Niyan nga gab-i karuyag ko tagan hin kalipay, usa nga pinaskuhan . . . usa nga anak!
An tigurang inmabat nga nagluluha an iya mga mata, idinuon an iya kamot dida ha ulo han bata ngan magsiring dara han kaamdok:
—Baga ka in lagas na! Kadtuna, lakat, bilnga hi im nanay ngan dad’i han pinaskuhan . . . nga hatag sa Dios, siring han imo pulong; kun nahabaro la ako han ngaran han imo bungto kinakadto ko han masakit ka pa. Kadtuna, intoy, bantayan ka unta sa Dios ngan han Ginoo nga Hesus. Hi Lucia, adin akon apo, maupod ha imo tubtob ngada hiton harani nga bungto.
—Kay ano, malakat ka ?— ginpakianhan han lalakihay.
—Ngadto ha ubos may mga sundalo, damo in magkawat. Diri ka makita hadin akon libintador? Bung burungbung!
—Diri na kita magtatagutago?— nagpakiana an babayihay; —tinmago ka na nakausa? Matuod ba nga waray na sugad kamarasa han gindidinakop nga natago?
Hi Basilio nahapahiyom; pinmurot han iya tungkod ngan, puno hin luha an mga mata, nagsiring:
—Mabalik gad ako layon,— nganiya; —dadad’on ko adin akon bugto, makita kamo ngan igkakauyag niyo; masugad ha imo kadako.
—Nag-iingka man liwat?— nagpakiana an babayihay;—kun sugad, ta, hiya an manmiriot.
—Ayaw kami hingalimti,— gintugon han tigurang;—dad’a inin tapa nga baboy nga ihalas ngan ihatag kan imo nanay.
Inupdan hiya han kabataan ngadto ha latay nga kawayan nga naagi ha bawbaw han naghahagawak nga tubig.
Inagbayan hiya ni Lucia ngan pinakapot ha iya butkon ngan dagos nira pagtiharayo.
Malaksi an lakat ni Basilio bisan la binutok an iya usa nga bitiis.
An Amihan naghahagurong ug an bungto ha San Diego ikinukurog hin kahagkot.
