masisiya dida hin usa nga Kapitulo! Kundi bisan la, diri ta gihapon angay hilipngawan in usa nga makaruruyag nga S. Miguel nga kahoy nga binulawanan ug pinintaran, nga liaros mausa kametros an kahitaas: an santos nga manulunda nananakmol, nanmumutlog an mga mata, nakukunot an agtang ngan namumula an bayhon; may dara ha butkon nga kalasag nga masugadsugad han kanan mga griyegos ngan iwinawaay han too nga kamot in usa nga karis nga suluganon(1” daw sugad hin andam pagsamad han bisan hino nga mag-arampo ha iya nga pumaharani (asya an baga inaabat han hawog han iya katindog ug paniplat), diri lugod say an manunulay nga ikugan ngan sungayan nga nakulait dida han iya bitiis nga kanan daraga. Hi Kapitan Tiyago diri gud ha iya napaharani, nahadlok nga may hanabo nga milagro. Nakapira na kumiwa in usa nga ladawan, magdiano hin kamaraot nga kahimo, sugad hiton didto ha pamandayan ha Paete(l2) nakapira na, basi magupong ngan maghinulsol an mga magpakasasala nga nagkakawawad’an hin tuluuhan? Bantog nga in usa nga Kristo didto ha Espanya nga tinawag nga maginsaksi hin usa nga ginsaaran hin higugma, tinmango han ulo ha atubangan han hukob, ngan in usa liwat nga Kristo nga tinmalo han iya too nga butkon dida han hinraraysangan nga kudos ngan humangkop kan Sta. Lutgarda? Ngan ano? Diri ba nabasa na niya in usa nga gutiay nga basahan nga diri pa la maiha iginpapasangyaw, mahatungod hin usa nga nginula nga wali ni Sto. Domingo didto ha Soriano? An santo waray gud pagluwas bisan mausa kapulong, kundi dida han iya kiwa inabat, inmabat an tagsurat han basalhan, nga hiya nagpapasabot nga matatapos na an kalibutan . . .(l3) Diri ba liwat isinusumat nga an Virgen de Luta didto ha bungto ha Lipa hinubagan han luyo nga limugmugan ngan nalutakan an sidsid han panapton? Diri ba ini pagpadig-on hin waray ruhaduha nga an mga birilhon nga ladawan nangingirog man hin panagsuduysudoy hin waray waliswalis ngan danay man panagsakitan hin ngipon, tingali kun tungod ha aton? Diri ba nakakita na hiya, han iya lugaringon nga gudti nga mata, hiton mga Kristo dida ha Siete Palabras nga namamagkiwa ug namamagtangutango han ira mga ulo hin inangay, nakakatigtulo, ngan dagos pananagtangis ug paggugugliat han ngatanan nga kababayin’an ug ngatanan nga kalag nga magpakidiyos ngan sumaraka ha Langit? Karuyag
