danay ha iya lumaoy inin masunod nga kaagi:
-Tipakadto ka ha kombento paglaoy hiton padipadi nga Moscamuerta? Pagbantay! Kun panagtaw'on ka hin sikulate, kun daw lugaring panagtaw'on ka, kay nagruruhaduha pa ako, inawa. Tumawag ngani hiton suruguon hin: "Pulano, dara ngadi mausa katasa nga sikulate (11) Eh!" pahawid, ayaw kabaraka; kundi kun pananglit sumi. ring: "Fulano, dara ngadi mausa katasa nga sikulate, ah!" puruta dayon iton imo kalo ngan dumagmit paglusad.
-Kay ano? - mapakiana iton ginsusumatan, lalabay hin tasa? Pastilan daw!
-A, diri gad man!
-Ano man?
Iton "sikulate eh!" karuyag hito sidngon espeso, malapuyot; an "sikulate ah!" aguado, lasaw.
Kundi ha amon pagsabot, ini butangbutang han alperes. kay ini nga kaagi iginsususumaton nga buhat kuno han kadam'an nga kapadian. Sabali man daw kun buhat ba ini han ira Corporacion. . .
Bahin ha pagperuhisyo han padi, nagdiri an alperes, kay sagdon man liwat han iya asawa, nga waray may maglakat nga tawo hin labis hin ikasiyam an takna ha gab-i. Hi Da. Consolacion nagdidig-on gud nga hinkit'an niya an padi nga nabado hin pinya ngan natakukong hin nito, nga naglilinakat kun mga magkatutnga. Hi Fr. Salvi nabulos ha pagdiyos: pakakakita niya nga an alperes nasulod ha singbahan, iya sinusugo hin hilom an sakristan papanada han mga purtahan ngan dayon niya sasaka ha walihan ngan magtikang pagwali tubtob han panhihingaturog han kasantusan ngan pangamaya hin "Igo na gad, pastilan!" hi ton sarapati nga kahoy nga iito ha tungod hiton iya ulo, ladawan han Espiritu Santo. Kundi an alperes, sugad han ngatanan nga waray pagtoo diri nahamamaan; nagawas, nangangalas, ngan han pakakaabat hin usa nga sakristan, o suruguon han padi, ipinadadakop, ginlalatob ngan pina- papaglampaso didto ha kuwartel ngan didto ha iya balay, nga amo la in kahahawani. Kun napakadto na an sakristan pagbayad han multa nga sinusukot ha iya han padi tungod han pakaawan, iya iginsusumat an iya nasugaran. Hi Fr. Salvi namamati la, hinihipos an kuwarta ngan gilayon pinapapamuhian an iya kakandingan ngan kakarniruhan basi manginaon didto han sakob han alperes ngan mag-
