pinanhunahuna hin igwawali nga haruhalaba ngan labi nga
makakapahamaan. Kundi ini ngatanan diri nakakau-
lang nga hira ngaduha, kun unina nagkakakita, magkamot
ngan maghimangraw hin matadong.
Kun an iya bana, tungod han kahubog, nakaturog o napahuway kun udto, kay diri man mahihimo pakiawayi, mabudadong hi Da. Consolacion ha tangbuanan, nga may tustos ha baba ngan mabado hin pranila nga matagom. Tungod kay nangangalas pagkita han mga batan'on pa, ti- kang didto han iya tangbuanan nanyuyubit han ngatanan nga daraga nga iya hikit'an (12) An kadaragan'an kay nag- kakahahadlok ha iya, nanlalabay waray sirusiplat ha ig- baw ngan diri nan-giginhawa tubtob han panhihilahos. Hi Da. Consolacion may uusa nga dako nga kadarayawan ha pamatasan; baga sugad hin waray pa gud bisan makausa hiling hin panganinawan nga salaming.(13)
Asya ini an mga magburuot didto ha bungto ha San Diego.
An ikinalalain la, tingali, han tawo dida han mga hayop amo an pagdayig hadton nanagkamatay. Ngan urusahon nga kabtang! ini nga batasan labi nga gintutuman han tawo didto han mga bungto nga diri pa lugod kaupay pukrat.
Iginsusurat han mga manunurat han mga kaagi nga an una nga mga umurukoy ha Pilipinas namamagdayig han ira katigurangan nga nagkamamatay ngan ira pinakaka- diyos;(1) yana nababalikad: an mga minatay na an nakiki- tabang ha mga buhi. Isinusumat nga an mga taga Nueva Guinea kapaturan nga harayo han mga pilipino, yana mga anak han mga alemanes, ingleses ngan olandeses may batasan hin pagsulod ha mga kahon han mga tulan han ira mga minatay ngan ira pinakikighiruhimangrawan; an kadam'an han mga tawo ha Asia, Africa ngan America nag- hahalad han ira nagkamamatay hin magrasa nga kaluto o mga karan'on nga ayon nira han buhi pa, ngan nagha- hatag hin mga panagtawo kay nasiring nga natambong kuno iton namamatay. An mga ehipsiyos nagtitindog hin dag- ko nga balay, piramides, para han ira kamiminatyan ug iba pa; kundi an bungto nga nalupig han ngatanan ngan
