nakakilala bin maupay han kasingkasing, han tawo amo an
Dahomey. Ini nga mag-itom nga mga tawo maaram nga an
tawo madumot; salit, nasiring, nga basi ha paghatag hin ka
lipay hadton namatay, gindadara ngadto ha iya lubnganan
an iya mga kaaway ngan didto panmamataya; ngan tungod
kay an tawo maulit-ukit ngan waray hinbabaruan nga hilangkagan didto ha lain nga kinabuhi, ira ginpaparad ’an
ngadto ha kinatuig, an namatay, hin usa nga surat nga pinutos hin panit hin usa nga uripon nga pinugutan hin ulo.
Kita nalain han ngatanan. Bisan nahisusurat han ngatanan nga linubngan, haros waray ha aton natuod nga an
mga minatay nanmamahuway, bisan nala diri ha kalinaw.(2)
Bisan an malinaumon hin kahimayaan ha lain nga kina
buhi nakakasiring nga an iya kaapuyan aada pa nagkakatutubod ha Purgatoryo ngan iya pa hiaabutan didto kun mamatay hiya ngan igkakatarampo pa didto hin maiha nga
mga tuig, kun diri, mahulog ha Infierno. Ta, an rumiwa
hini ha akon makadto la pagkita hin yana nga mga adlaw
han mga singbahan ug mga panlubnganan ngan mag-inaw
didto hiton nanhihinabo. Kundi kay iini man kita ha bungto ha San Diego, tana kita ngadto ha panlubnganan han
bungto.
Dapit ha Katundan, ha butnga hin kahagnaan, aadto,
diri an bungto, kundi an baryo han mga minatay; inaagian
ngadto in usa nga haligutay nga dalan nga mataputapo
kun masirak, ngan sarakyon kun mauran. Usa nga sadhanan nga kahoy ngan hin usa nga alad nga katunga bato
ngan katunga kawayan ngan mga talibugsok, asya in naglilibot ug napalutod didto han bungto han mga tawo; kakandingan han padi ug kabaktinan han mga higrani namamagsulodguwa ngadto pag-uliskay han mga lubnga
nan o pagparugyaw hadto nga mga kamingawan.
Ha butnga hadto nga haluag nga alad, natindog in usa nga dako nga krus nga kahoy nga nahitutungtong ha bato. An iya INRI nga lata ginpilo han bagyo ngan an mga kurit ginpara han uran. Ha tungod hadto nga krus sugad hin totoo nga Golgota, natambak in mga tulan ug mga bagulbagol nga didto pagtitiruka han parapamukad nga bantay kun naghahawan han tagsa nga lubnganan. Didto namamaghulat ada, diri han pagkabanhaw liwat han mga minatay, kundi han kahayupan nga tungod han ira laway magpapaso ngan maghihinis hadton mga mahagkot
