han tuna, kundi an krus waray gud hiaagii bisan diin:
—Amo ba ini dinhi? — nagyiyinakan hin an tuman la nga hinbabatian; —diri; a^dto pa ha unhan ! kundi iton hinunggad!
Hi Ibarra duro an kasubo, nagkikinita ha iya.
—Oo!—pulong han lagas, — nahanunumdom na ako, may ada adto bato nga harani; an kinutkutan dapit haliputay; an parapanlubong masakit hadto, salit say na la nagkutkot in usa nga saop; kundi papakianhan ko kun ginano niya an krus. Say dinaop an kamposantero nga waray ha ira bubulag hin kita. Tinmukas ini han salukot.
—Makakahimo ka pagsumat kun hain hito dida an linubngan nga may uusa nga krus.. .? —nagpakiana an suruguon.
An ginpapakianhan sinmiplat man ngadto ngan mamurubuot.
—Dako nga krus?
—Oo, dako, — nahakalipay an lagas ngan sinmiplat kan Ibarra nga dapit man liwat nahakalipay.
—Usa nga krus nga labrado ngan ginuos hin uway? — nagpakiana an magkurutkot.
—Asya na, asya na!, sugad hini! — ngan an tigurang nga suruguon nagbadlis dida ha tuna hin usa nga kudos nga bisantino.
—Ngan dida han linubngan may tinanom nga mga bukad?
—Oo, mga adelpa, sampaga ngan pensamyentos!
—Amo na! —namulong an suruguon puno hin kalipay, ngan dinulhan an kamposantero hin tabako. —Pagsumat kun hain an linubngan ngan kun nahangain an krus.
An kamposantero nagkinalot han iya talinga ngan bumaton naghihinuyam:
—An krus akon na gintap-ong!
—Gintap-ong! Kay ano in pagtap-unga mo?
—Kay asya an sugo han padi nga dako. Hino ito nga padi nga dako?—nagpakiana hi Ibarra.
—Kun hino? Ada, an nadabal; hi Padre Garrote.(1)
Hi Ibarra hinmapyod han iya agtang.
—Bisan la, diri ka gud makagsumat kun hain an linubn gan? Hinunumduman mo pa gad ada.
