andi' sè èkabelliă . Sarrèna abă'na la toman ta' adjhădjhăn,
dhåddhi maskè abǎ'na kateppa'an andi' pèssè sasigăr saḍoewit,
paparèngnga lorana, ta' èkadjhădjhăn , tja'na pangrasana :
ango'an èlong-polonga. Prandhinèng Radhin Hardjă se asakola
ghellǎ' nèng tello taon la kalowar kalaban ollè certificaat ( sèrMangka pottrana lorana, sè èpasakola kaaḍă', ghi'
tifikat ) .
bhoeroe enneng è kellas doewǎ'.
Saellana Radhin Hardjă ghellǎ ' kaonèngan ka lorana, ladjhoe abăk èkanèserrè, pas èpamaghăng è kantoranna, èman-kaèmanè, èangghoeji sè abăk bhaghoes, ta' tasara ghalloe tjara lănbilănna. Pamaghăngnga abă'na lekkas ngartè, sarta palalakonna pas mennang ka tja-kantjana, sè la ollè sataon doewă taon maghăng èdjăḍijă; tolèsanna bhaghoes , sarta ghăntjang, pangètongnga tjeppet, tjè' radjana partolonganna ka pangghăbăjǎnna djhoertolèssa.
Radhin Hardjǎ tjè' bhădjhengnga sarta tjattjèl ka sabhărăng lalakon, adab ka orèng, ta' ghellem gă' -maangga' . Sèpat totop kantor, abă'na pas alalakon è bengkona, aladhinè lorana sè aḍhă'ăr, pa'-mateppa ', ngèssè'è băn abhersè'è dhămar, lamala kongsè endă' ra-ngoraè tjangkèr băn pèrèng. Amarghǎ djărèja Bădhana, lorana, so'è nèser ka aba'na, kongsè andi' pèkkèran terro mamadjhoeă, apa polè ènga' ka kabhălă'ănna. Saellana djǎrèja Radhin Hardjă èpangabdhi ka towan Kontellir, sarta bi' towan Kontellir pas èkaghăbăj maghăng ḍălem, ijă arèja ngèras long-nolongè alaladhinè tjara djoengos.
Towan Kontellir tjè' lèboerră ka Radhin Hardjă, marghă abǎ'na taḍă' sèghoegghǎ ka sabhărăng lalakon; ngongosèrè tao, arabădhi djhărăn tao, apa polè alalakon èḍalem bengko paḍă taḍă' tjalèna . Palalakonna è kantor ijă onggoel kèja. Panda',' kapènterranna aba'na : laboe sampaj.
Saellana Radhin Hardjă ollè sataon sè maghang, pas èangkat Molaè djărèja Radhin Hardjă dhăddhi djhoertolèssa lorana. pas ako-bengko dhibi'. Nalèka abăʼna ngabdhi ka towan Kontellir la tèn-nètènè, bărămma kabădă'ănna lorana sè ngator ghǎdjhina. Molana abă'na pas nèroè ; ghǎdjhina èpamenḍăng ekakan , èangghoej băn kaparloan laènna mongghoe ka rèng akobengko, sarta èḍălem lăn-saboelănna marloaghi long-molongghăn ƒ 0.75 ; maskè teppa'na bănnja' kaparloanna, dhăddhiă ghăn satalè, ta' tao tjokba.
Molana abǎ'na tao ngator tjara djărèja, margha saténgkaI , enda’ka polana djhă -maddjhă , ta angga , ta èdhir băn ta pangalemma orèng, sarta ta' tako' ètjo-kotjoaghi orèng, sabab tèn-atènna kowat ngokoè kabhenderrănna.
Saellana ollè sataon abă'na sè dhăddhi djhoertolès , ladjhoe andi' pèkkèr terro abinèa, sabab tja'na pangrasana : ta' èsak, mon abǎ'na ta' abinè kongsè towa, apa polè tadă' aladhinè sè
