teppa' . Ladjhoe mènta bhălăna dhibi' , tapè kalabăn tètè pamèlèna, ta' norotè napsona sè kabhoeroe ollèa binè, ta' mèlè rèng raddhin, marghă abă'na tao, djha' orèng raddhin rèja bănnja' sè salèdhir. Sè èpèlè aba'na ijă arèja orèng sè kèra èkennèng ghibă malarat, sarta tao mamenḍăng bădhal sakonè'. Dhinèng pamèntana ghella' katampan, Radhin Hardjă pas akabin, nèng èkarèpot sakadhărra, tjara kapprana orèng ta' andi'. Kadhaddhianna abă'na rokon bi' binèna, sarta ghantè satorot, ta' tao găriddoe', tjara sondhoek bi' lambhängnga. Nalèka pakabinna ghella' ta' lè- sakalè njossaè ka orèng towana, nèng aḍăng-mendangngaghi bădhallă dhibi' malolo.
Pa' taon abiddhă Radhin Hardjă sè dhăddhi djhoertolès Kontellir, pas èangkat dhăddhi mantrè oeloe è sèttong distrik. Saellana napa' ka kennengnganna sè èallè'è, ta' arassa sossa, sabab abǎ'na andi' pèssè ro-taro abăk bădăn. Molana abǎ'na kellar mellè bengko dhăddhiă bă ' -djhoebă ', sarta mellè djhărăn tompa'an băn kakapana ; kabbhi nèng dhoe- paraddhoe, sabăb mellèa djhărăn bhaghoes ta' menḍăng pèssèna ; mellèa kalabăn madjăr njètjèl ta'. kentjeng, karana nèjatta saomorra ta' terro andi'ă otang sabăb abă'na la tjè' ngartèna , djhă' orèng sè soghi otang rèja ghasèk njandhang sossa, radjhekkèna dhibi' dătaḍă' èbăghi ka orèng laèn , ijă arèja èkaghăbăj moedoe'i; opama aotang bhărăng rèja, tanto larang adjhina. Băn polè salè-ollè orèng rèja djhă' lè- sakalè adjhăr aotang, karana mon la tao ngoddhi sakalèan, tanto pas njangsara sè ngamboeăna, èkennèng opama'aghi tjara djhoeko' maso ' ka boeboe. Dhinèng orèng sè la tao aotang rèja kabănnja'an so'è abit so'è ghijăr aotang, di-boedina kongsè dhăddhi orèng soghi otang.
Satèja ghǎdjhina Radhin Hardjă la abăk radjă , tapè tètèngkanna ghi' magghoen tjara sè ghi' dhăddhi djhoertolès, ta' aorok tèngka, kakan ban angghoejjă nèng saseddhengnga bhǎi ; molana abǎ'na ollè long-molong pèssè abănnja'an dări lăn-bilănna, ijă arèja f 1,50 , dhăng-kadhăng kongsè f 2,50 saboelăn. Laèn dări djărèja aba'na ollè mellè tana, malèbăr pakaranganna; 6 la- mala bit-abit kongse andi ’ saba băn kebbhoen . Saellana djarèja ghǎdjhina sarat ta' èkakan sakalè, sabab bherrăs sè ètana' ngala' bădhăllă sabăna, ollèna ngala' paron ; ngan-ghänganan ngala' dări kebbhoenna ; djhoeko'na mègha ' è tambha'na dhibi',otabǎ njambhelli adjăm boe- oboeǎnna.
Mon katamojan, ka' -angka'na bănnè kakanan belliăn toko , ghăbăjanna binèna dhibi'.
Kasennengnganna Radhin Hardjă rèja nèng men-tamennan; è tanèjanna possa' bi' tatamennan băn tjangkokan; èboeḍianna bengkona bădă kebbhoenna, possa' bi' ngan-ghănganan, opama: artjis, karèpo , wortel , bit, langkèr, laboe- tjèna bănèn laènna;
