okèran è bengkona taḍă' sakalè, sabab tja'na pèkkèrra: „Pakakas sè bărijă rèja angghoejjă Dha-Bălăndhă, orèng aghoeng otabǎ orèng soghi. Pakakas ghella' ta' addhoe èsabă'è sang bengko, sabab sang bengko bă' -djhoebǎ' tjara rèja. Apa polè sèngko' ta toman todjoe'ăn è korsè, sarta ta' tao katamojan Dhǎ-Bălăndhă otabă orèng aghoeng.
Mon abǎ'na katamojan orèng sè ma'-semma' bengkona ta' katèk èka'-angka'è kakanan, nèng èangka'è roko' malolo, la-nakkala èlambănè ettè otabǎ kopi, sabab tja'na pèkkèrra: „Orèng namoj ka engko' rèja ta' parlo njarèa ka'angka', nèng parlo atemmoa bi' engko'. Mon bi' engko' ètarèma kalaban olat manès, tanto abă'na la arassa tjè' sennengnga."
Sanaddjhăn tamoj dări djhãoena, ta' èka'angka'è nja' bănnja', nèng sakadhărră bhăi. Djărèja nanḍhăʼăghi, djhă' Birăsantana rèja bănnè orèng tjerrè' otabă orèng ta' lèboer ka tamoj.
Sèpat boelăn Powasa mo-sarmoan băn ghă-tatangghăna padă rammè ngotjol lèng-tjèlèngan, norotè pangalèboerră na'-ana'na, tapè Birăsantana ta' ngotjol sakalè. Saopama ana'na mènta pèssè, ngotja' èkabelliă lèng-tjèlèngan, abă'na pas malaè bărija: ,,Na', bă'na djhă' ro-nèro tatèngkanna na'kana' laèn, karan engko' ta' andi'. Băn polè lèng-tjèlèngan rèja ta' èkennèng kakan bản èènom , nèng èkenneng abas băn èèdingngaghi malolo. Molana bă'na ango'an nèngghoe băn ngèdingngaghi tjolotjolanna orèng laèn bhăi, ta' osa ngotjol dhibi', tanto tada' bhidhăna bi'sè ngotjol dhibi', sarta ta' kèra bădă orèng ngombhăng. Orèng ngotjol lèng-tjèlèngan dhibi' rèja, laèn ḍări wang-mowang pèssè, alolodjăi, sabab mon ta' kabhenḍerrån pangotjolla, tanto bhădhănna èleddhoe'i, ngennèng ka mowana otabǎ ka laènna, andhăddhiăghi tjalaka'an."
Sarrèna Birăsantana tao njatjaè kalaban nerrangngaghi kadjhocba'ǎnna sè sanjatana, molana anaʼna pas ghellem atoro' ka băbălă'ǎnna.
E băkto arè tellasan rèng-orèng laèn masana padă ngangghoej sampèr kalambhi sè njar-anjar sarta ghoes-bhăghoes, ngèdhirrăghi angghoejjă băng- sèbăng ; orèng sè ta’ andi parlo aotang. Tapè Birăsantana băn ana'-binèna nèng ngangghoej saḍă-băḍăna ; maskè ta' anḍi' , ta ' enḍă' aotang. Saopama abăʼna mellè angghoej sè bhaghoes, ta' ladjhoe èangghoej rèn-arèn, nèng èangghoej nakkala parlo ; molana angghoejjǎ tjè' serra'na, èkennèng angghoej kongsè on-taonan. Maskè angghoejjǎ djǎ-rèja la ollè on-taonan, sokkor ghi' ta' rosak, abǎ'na ta' enḍă' mellè polè, sabăb tja'na pèkkèrra : orèng sè ngangghoej ghoesbhaghoes rèja mon la apolong bi' orèng bănnja' padă bhăi abăsanna, ta' kataoan angghoejjă sapa sè ghi' bhoeroe mellè bản angghoejjă sapa sè la abit ètaro , kadjhăbhāna orèng sè ngangghoej dhibi'; sokkor ta' tasara ghǎlloe djhoebăʼna,
