èkennèng angghoej . Angghoej rèn-arènna mellè sè dă -modă,
maskè djhoebă' sokkor serra' angghoejǎnna.
Sarrèna Birăsantana rèja tjè' taona ngaèmanè di'-andi'na, molana satowana abă'na arassa senneng, ta' tjara kabădă'ǎnna orèng laèn sè rojăl ghi' ngoḍăna.
Băbătek bǎn pèkkèranna Birăsantana sè tjè' anèna nalèka njonnat ana'na.
Maskè Birăsantana nèng andi' ana' lalakè' kasorang, sarta talèbăt èman-kaèmanè, tapè è nalèka èsonnat ta' èkardjăi tjara ana'na orèng laèn, sabab tja'na pèkkèrra:,, Sakabbhianna orèng, aghoenga, doemè'a, soghiă, mèskèna, èbăkto njonnat ana'na kappra èkardjai, tapè noro' sè la kalakon kadhăddhiănna rangrang salamet; ma' ontong sè ontonga, la-mala marogi băn njalaka'è. Mon engko' noro' ngalakonè bărijă, maskè nèng èkarèpot nè'kènè' mè'-amè' andhăddhiăghi kasossa'an radjǎ ka engko' dhibi', sarta mon ta' kabhenḍerrån kongsè mataḍă' sang-bengko rèja, sabab engko' ta' soghi, sarta sang-pangorèpan ta' saapa; kadhăddhiǎnna engko' ta' boeroeng pas malarat sarta mèskèn."
Anangèng abă'na ngartè kèja, djhă' orèng sè njonnat ana'na, ta' kalabǎn èkardjǎi , kappra dhăddhi tjatjana orèng, èkotja' tjerrè' , èkotja' bărikkèng, èkotja' ta' nèser ka ana'na, kongsè dhăddhi toḍoessa orèng sè èkotja'. Tapè bi' abǎ'na ètèmbhăng: kemma ango' malarat bi' malo? Tja'na pèkkèrra: „,Ah, ngo'an malo, sabab orèng nemmo malo rèja kapprana nèng sakeddjhǎ', tapè orèng malarat kappra èkasangkol saomorra.
Saellana djărèja Birăsantana pas èntar ka sèttong kèjadji , atanja bărămma patotta orèng njonnat ana'na. Saotta kèjadji èpasenneng atèna, sè ètanjaè: „Na'-kana' sè èsonnata, opama: èberri'i pèssè, angghoej sè bhaghoes otabǎ bhărăng laènna, sè ta' tamaso' laranganna sara' . Parkara kardjă panèka taḍă' sonnatta, la-mala bănnja' haramma."
Amarghǎ djărèja Birăsantana so'è koko atèna , sè njonnata ana'na ta' kalaban èkardjai. Saellana djărèja abă'na pas ararembhăghăn bi' binèna, otja'na : „,Dji', ana'na ghărowa maḍḍhă!! sonnat boelăn dateng bhăi, tapè djhă' sa'-kasa' ka orèng, ta' osa rèpot pè-napè, rasolè sapèrèng bhăi pon tjokop.
"Binèna adjhingkat otja'na : „, Tjè' ta' kapprana rèng njonnat antyal ana' ta' sa'kasa', panapa polè nèng andi' ana' lalakè' sèttong tadă' polè, tanto todoes ka lǎ-bhălă. Maskè orèng laèn sakalè, mon ta' andi' bhăndhă, marlaoghi njarè tang-otangan. Sanaddjhăn ta' èkardjă'ăna radjă, tapè kodhoe nangghǎ'ăghi tandǎ' otabǎ laènna."
Amarghǎ djărèja Birăsantana èlang akkalla.
Katjatora Birăsantana djărèja andi' ana' băbinè' kasorang, sè noro' lakèna ka laèn naghără, dhăddhi mantrè alas. E nalèka sèttong arè Birăsantana kateppa'an narèma sorat
