31
f 500, èbădjăr mèndring ƒ 20 saboelăn. Mon bădjă asar teppa'na langngè bhersè, bèndi băn djhărănna ghella’ èangghoej apalessir, alènglèng ĕḍălem ḍistrigghă, ḍhăng-kaḍhăng èntar ka kotta.
Sarrèna Radhin Sorawijăsa rèja talèbăt bănnja' lalakonna sarta bhǎdjheng, molana abă'na nèng tello taon sè dhăddhi djhoertolès, ladjhce èangkat dhăddhi Asistèn bădhăna, alontja’è bhăngsa djhoertolèsan kalèma băn khăngsa mantrè. Kabhoengkakanna Radhin Sorawijăsa sè ongghă pangkat ghellǎ ' ta' tao sè ngotja'aghiă, sabab abă'na arassa katoronan dhărădjhăt dări attas langngè'. Amarghǎ djărèja aba'na anèjat aghăbăjă mèn-rammèn ghalloe sabelloenna ngallè, mènangka salamettanna. Saellana sè narèma bislit ollè lèma arè, pas aghăbăj mèn-rammèn, rammèna ta' sakèra-kèra, palè' pan-bărămpan Djhăngkalèna mèn-rammènna nalèka dhāddhi djhoertolès. ondjhănganna orèng aghoeng, pardjădji , mo- sarmoan bản pakètta sè băḍă èḍălem distrik djăḍijă.
Roma, ampèr băn tataroppa possa bị dhămar ebbroen băn dhămar talpè'; è labăng lorongnga ngangghoej labăng sakètèng, masang dhămar ghellas lampo, tadă' bhidhăna bi' bengkona orèng bădă ghăbăjjă .
Ka'-angka'na ta' kakorangan, kakanan băn mènoman paḍă bădă, atoranna tjara Bălăndhă, apa polè sè noaè Bădhăna, lorana Radhin Sorawijăsa. Kakanan kakettja'an băn kakerrèngan ta' rang-korang; mènoman toko, opama: anggoer mèra, anggoer port, bărănḍi, wiski, limon ban aèng bălăndhă padă bădă.
Saapa bhănḍhăna mèn-rammèn sè talèbăt radjăna djărèja ? Rassa sèngko' ta' kèra menḍăng tello' empa' ratos, sabab sambi ngotjol lengtjèlèngan, băngapi băn èn-laènna. Dhinèng sè èkabhăndhǎ djărèja tadă' laèn kadjhabhăna ollè aotang, sabab Radhin Sorawijăsa rèja nèng radjă atè, nangèng ta' andi' pèssè sakalè; apa polè tjètjèlanna otangnga sè ladjoe ghi' ta' ollè saparo bhălăkka'.
Katjatora Radhin Sorawijăsa la ngallè ka pangarèsanna; kaparloanna so'è aboe-èmboc, apa polè pèkkèrra terro ka '-nekka'aghiă, sabhărăng pangaterrona sè bădă'ă.
Dă'-aḍă'na ngator bengko pangarèsan, terros ka dăporra, parata’an băn gheddhoeghănna, kantoran băn kennenganna tabbhoeăn. Dhinèng sabhărăng atoranna njennengngaghi ka dhiabdhina, taḍă' tjalèna sakalè, sabab abă'na lakar bhǎghoes pèkkèrra.
Bărijă kèja parkara sè adjhălănnaghi lalakon dinessa tjè' bhǎghoessa, lalakon alos kasar padă madjhoe. Ghi' bhoeroe sataon sè dhăddhi Asistèn bădhăna la ontap kabhǎghoesanna lalakonna : parkara tatanèn madjhoe, kapoelisiăn taḍă ' tjalèna,
