32
kongsè èkennèng kotja' è bhăbăna djăḍijă taḍă' orèng kamalèngan bản tadi karoesoeăn laènna; barija heja kebbhoen kopi madjhoe, lorong radjā kènè' padă bhaghoes, dhisa băn kampong pada bhersè tada' tjalèna. Amarghǎ djǎrèja abǎ'na katarèma ka pangradjā. Bărija kèja ka dhi-abdhina, molana pangghăbăjănna kongsè katarèma ka pangradjǎ, lantaran èkatako'è, èkatodoesi sarta èkalèboeri bhăbăna.
Man-èmanna Radhin Sorawijǎsa rèja ta' tao masenneng bhǎdhanna dhibi', nèng marloaghi masenneng orèng laèn, kongsè ta' pegghǎ' dări kasossa'an, marghǎ soghi otang, bannja' kareppa sè ètjonțet, pangaterrona sè ta' katekkan.
Maskè ghadjhina la radjă, tapè mon la ghǎdjhiăn abă'na nèng mèlo doewă rènggit, palèng bannja' tello rènggit. Maskè la tjara djarèja ghi' bădă otangnga sè ta' èbădjări, sabab sè la èserraè ghellǎ' nèng otang nè’-kènè'na malolo, otang tokona băn ăn-aenna rangrang èsenae. Sarrèna ghadjhinā ghella nèng karè sakonè', la tantona ta' mending èkabǎlandjha saboe- lăn, molana tapaksa njarè tang-otangan polè.
Dhinèng otangnga djărèja so'è abit ta' so'è karè sakonè', la-mala so'è arok-orok. Mon abă'na njarè tang-otangan ta' mèkkèrè berrǎ'na boedoe'na; maskè sapolo ropeja dhăddhi doe bellǎs ropèja, ijǎ èkala' bhăi, sokkor ollè. Apa polè mon lè-mellè masțè rang-larang malolo, sabab pardjadji rèja kapprana ta' tao băr-nabǎr.
Kalamon manossa rèja la èkennèng kasossa'an, kapprana ta' ghellem ngobă adhǎt otabǎ tèngka-polana, sabab tja'na pèkkèrra: Ahak-abāk bǎssa, mandi bassa, ango'an mandiă sakalè. Barija keja kabadǎ'anna Radhin Sorawijǎsa, sabhǎrang pangalèboerrǎ so'è ètorotè, opama: amaèn tataroan, boer-lèboerăn orèng babinė, abhabhcerce, nènèngghår, adjhală, amaèn na'-pana'an ban èn-laènna.
Ban, polè băbătekka sè angkara, sarta sè ta' enḍǎ' kala ka orèng laèn, djăreja ghi èangghoej èdălem sakabbhinna tètèngkanna. Mon abhābhoeroe, ta' paraddhoe ngangghoej patè' kampongan, mellè patè' Indramajoe otabǎ patè' Bălandhå, sè kabellina f 50.- kongsè f 100.- Bărijă kèja mon sè nènèngghăr, sanapanna pessennan dari Erropa sè adjhina ḍoewǎ' otabă tello ratos ropėja.
Amarghă dări djàrèja la bhǎrang tanto kabhoetoanna Radhin Sorawijäsa so'è aboe-èmboe, otangnga so'è abǎ-tambă, kongsè orèng tada' partjadjă aberri' otang polè, sabab bannja' lètjèkka, ta' madjăr, apa polè la ta' andi' pangatodoes, èlang sèpat ka pardjadjianna. Di-boedina pas tomboe akkalla sè salènter băn băbătek kanèadjǎ'ăn, marghǎ tapaksa dări kabhoetoanna, opama ampo adhendha'an orèng parkara èbăbătangan, sarta dhoedjăn ngala'an bhijǎ.
