43
4-5 taon ghellǎ' èangghoej adjhăr parkara dhăghăng otabă tanè, tanto abada'ǎn ollèna."
Djǎrèja marghăna, molana Sastra ta' kentjeng maghăng, Prandhinèng Sastra rèja pènter atjatja, sarta ta' toḍoesan; abă'na èkalèboeri orèng, marghă tao ngala' atè ka orèng, labhǎ sarta tao tatakrama.
Sarrèna abă'na la arassa wădjib njarè pangorèpan dhibi', pas mènta bhandhăi ka eppa'na, èkabhandhǎ'ǎ adjhǎdjhoewǎl, sabăb taḍa' pangorèpan laèn sè èkatellengngė kadjhǎbhăna adhǎghǎng.
Amarghǎ djarėja abǎ'na pas èberri'i bhănḍhă bi' eppa'na, tapè sakonè', nèng doe rènggit. Pèssè djărèja pas èkabelli djita ka Tjèna, ladjhoe èkaghābaj kalambhi, èkabăddhaj. Saellana dhăddhi, pas èdjhǎdjhǎ'ǎghi ka pasaran è sa-dhisa, ghăroes sarta padjoe larang.
Saellana padjoe kakabbhi, pèssèna pas èkabelli djita polè ka Tjèna sè èbelli'i ghellǎ'; bit-abit kongsè dhăddhi langghǎnan. Saellana dhaddhi langghanan, pas èberri'i aotang, marghǎ èkapartjadjǎi sarta kataoan djha' Sastra djǎrèja pènter njarè kasap, sabab katara dări pamellèna djita so'è abit so'è bănnja' bhǎi.
Satèja dhăghǎnganna Sastra so'è radja, sabab èlambanè sè ollè aotang; kaontonganna ija atambă bănnja', kongsè aba'na kellar mellè bengko dhibi'.
Lèma'-ennem taon Sastra sè njerra ngala' ka Tjèna ghella' ta' tao alètjèkè djhǎndjhina sakalè.
Abiddha-abit Sastra pas èsoro mokka' toko è distrik sè rammè bi' djhǎrăghǎnna, èberri'i aotang bhårăng amatjem-matjem djhin-adjhin doewă èboe ropėja.
Satèja Sastra la dhaddhi sodhaghar, bannja' mo-sarmoanna orèng sè ghi-soghi bån orèng sè bădă njamana, sarta rèng-orèng djǎrèja pada lè-mellè otabă njerra ngala' ka abǎ'na molana dhaghanganna so'è madjhoe bhăi.
Prandhinèng Sastra rèja bhāb panjarèna kasap taḍa' tjatjalènna sakalė, tjoma èmanna băilă tatekkonna sè djhoebǎ', sè dhǎddhi alangan ka kamadjhoeanna bhadhánna.
Nalèkana abǎ'na ghi' malarat abinè ana'na orèng mèskèn, anjama Kalsa, panjarèna kalaban djhälän se teppa', ta' katjamporan sètan. Dhinèng robăna Kalsa rèja so-losso sendoe', ta' djhoeba' parana, sarta satémbhăng bi' Sastra sorop dhaddhi lakè binèna.
Anangèng saellana Sastra abāk anḍi', pas andi' pangaterro ka orèng sè ngoda sarta raddhin, anjama Salama, kongsè loppa ka kabettjé'an ban kaèstoanna Kalsa, ladjhoe ngarong Salama; tapè nèng 4-5 boelǎn la kataoan, djha' Salama rèja ta' lèboer, adhǎddhǎ, tjarèbit, tjaro'mèn sarta ampo tambhoeroeăn.
