44
Amarghă djărèja Sastra arassa ta' kellar ngapolong Salama, ladjhoe ètellak, sabab abǎ'na anèjat njarea binè bănnèan sè araddhinan sarta sè èsak tèngka-polana.
Nalèka Sastra nellak binèna ghella' ghi' roe-bhoeroe mokka' tokona, teppa'na ta-kalontana njamana, èsangka bi' rèng-orèng djadijă abǎ'na bănnja' dhoennjana, sabab ta' kataoan djhǎ' bhǎrăng dhăghănganna ghellǎ' ollè aotang, Amarghǎ djărèja ta' rang-korang orèng băbinè' sè terro ka abǎ'na.
Ta' abit Sastra pas ngarong binè polè, paraban sarta raddhin, tapè sè satèja èlambanè nakal, sabab aba'na apangrasa èkalèboeri orèng băbinè'; abă'na ta' ngèra sakalè, djhǎ' rèng-orèng sè terro ghellǎ' ta' terro ka abǎ'na ongghoe, nèng komettjer ka dhoennjana.
Kalamon nakal ka orèng babinè' rèja bănnja' sè pas lèboer ka maèn. Bărijă kèja Sastra, pas terros dhaddhi tokang maèn, tokang rojăl, lèboer ghǎ'-nanggha', lèboer nènèngghoen, lèboer nangdhang, apa polè tèțèngèl ka angghoej, djǎrèja kabbhi pada alantaran dari panarèkka nakal ka orèng băbine'.
Kabaḍa'ǎnna Sastra sè alakè binè satèja apadhoeăn bhǎi, sarta binèna ta ghellem akor, rè-saarè aghātja, sabăb binèna sè towa ta' soka sè polana èpamaḍoeăghi. Dhinèng tètèngkanna nas-panasan; mon binèna sè ngodă èmellèaghi djita sakalambhiăn, sè towa èntar mellè dhibi' mellè tello kalambhiăn. Sa- opama sè ngoda èpamellèaghi sampèr adjhi f 20, sè towa kodhoe sè ghan ƒ 30. Anangeng mon pas kataoan ka sè ngodă, djha' sampèrra madoena alarangan, tanto aba'na aèrè, mènta sè ghăn f 30 kèja.
Tjoma doe taon Sastra sè ngarong binè tjara djărèja, margha ta' kellar njandhang, binèna pas padă ètellak, sabăb parkara nellak binè la dhăddhi băbătek ka abǎ'na, ta' enḍa' èparèkong bi' binèna, mastè ladjhoe ètellak.
Saabiddha Sastra apadhoeàn bi' binèna ghellǎ', abǎ'na ta' patè mardocli ka dhaghanganna, nèng martjadja'aghi ka djhoertolèssa malolo. Amarghǎ djárėja dhaghanganna ta' ro-karoan, bharangnga tompes, tapè taḍă' ollèna pèssè, kongsè doewǎ' tello boelăn ta' ngennèng maso'aghi pèssè ka Tjèna djhărăghănna. Saellana Tjèna djhǎrăghăn djarèja ngartè, djha Sastra la bănnja' akkalla, bănnja' kalètjèkanna, pas ta' ngennèng mabǎli karogianna sè kaada'na sarta dhaghanganna so'è abit so'è rogi bhăi. Aboe-èmboe sabbhăn abǎ'na atellak, binèna ta' èpamolè agăloenong, mastè rèmbhoen bän-ghibănna, sabab Sastra rèja lakar orèng lèndha'an, karan tja'na pèkkèrra: „Padjhǎt djhăma'na lalakè' kala ka babinè', sabab pangorèpanna orèng băbine' rèja nèng ḍări lalakè'."
Bărijă kèja sèpat Sastra abinè, bă-ghibana ta' tao nè'-sakone'; sabăb toḍoes, marghǎ abă'na kalonta sodhaghår radjǎ: Amar-
