This page has been validated.
[᭑ 1B]
᭑
᭛᭜᭛ ᬒᬁᬅᬯᬶᬖ᭄ᬦᬵᬫᬲ᭄ᬢᬸᬬᬦᬫᬲ᭄ᬯᬵᬳ ᭛᭜᭛ ᬧᬸᬧᬸᬄᬲᬶᬦᭀᬫ᭄ ᭛᭜᭛ ᬫᬗᬯᬾᬦᬶᬦ᭄ᬲᭀᬮᬄᬤᬤ᭄ᬯᬵ᭞ᬳᬮᬳᬬᬸᬫᬶᬦ
ᬓᬤᬶ᭞ᬲᭀᬮᬄᬳᬬᬸᬦᬾᬧᬗᭂᬦ᭄ᬢᬲ᭄᭞ᬗᬾᬦ᭄ᬢᬲᬂᬳᬶᬳᬮᬲᬫᬶ᭞ᬬᬦ᭄ᬲᬶᬤ᭄ᬥᬦᬶᬂᬳᭂᬦ᭄ᬢᬲ᭄ᬤᬤᬶ᭞ᬫᬧᬮᬳᬶᬗ᭄ᬓᬳᬶᬂᬳᬶᬥᬸᬧ᭄᭞ᬳᬶᬥᬸᬧᬾᬤᬤᬶᬫᬵᬦᬸᬱ᭞
ᬉᬢ᭄ᬢᬫᬦᬾᬩᬸᬓᬚᬦᬶ᭞ᬗᭂᬢᬸᬢ᭄ᬳᬬᬸ᭞ᬳᬬᬸᬦᬾᬚᬦᬶᬧᭂᬭᬶᬳᬂ᭛ᬓ᭄ᬭᬡᬵᬳᬾᬤᬫᬜᭂᬩᭂᬢᬂ᭞ᬭᬶᬓᬮᬵᬮᬘᬸᬃᬓᬧᬗ᭄ᬕᬶᬄ᭞ᬤᬾᬦᬶᬫᬵᬦᬸᬱᬦᬾ
ᬓᭀᬘᬧ᭄᭞ᬩᬸᬤ᭄ᬥᬶᬅᬗ᭄ᬓᬭᬢᬦ᭄ᬲᬶᬧᬶ᭞ᬫᭀᬫᭀᬦᬾᬫᬹᬃᬓ᭄ᬓᬫᬦᬶ᭠ᬦ᭄ᬤᬶᬄ᭞ᬮᬶᬯᬢ᭄ᬲᭂᬗ᭄ᬓᬵᬚᬦ᭄ᬫᬳᬶᬥᬸᬧ᭄᭞ᬳᬶᬥᬸᬧᬾᬫᬦᬸᬤᬸᬢ᭄ᬫᬮ᭞ᬬᭀᬦᬶ
[᭒ 2A]
ᬦᬾᬫᬦᬸᬢᬸᬕ᭄ᬲᬳᬶ᭞ᬢ᭄ᬯᬭᬩᬸᬳᬸᬂ᭞ᬤᬰᬾᬦ᭄ᬤ᭄ᬭᬶᬬᬦᬾᬫᬗᬸᬭᬓ᭄ ᭛ ᬉᬢ᭄ᬢᬫᬯᬦ᭄ᬢᬄᬓᬳᬸᬘᬧ᭄᭞ᬫᬾᬦ᭄ᬢᬶᬓ᭄ᬓᬫᬵᬦᬸᬱᬵᬦ᭄ᬚᬦᬶ᭞ᬯᬶᬭᬾᬄᬳᬶᬫᬵᬦᬸᬱᬲᬶᬤ᭄ᬥ
᭞ᬦᬸᬮᬸᬂᬲᬗ᭄ᬰᬭᬦᬾᬲᬫᬶ᭞ᬭᬶᬂᬭᬵᬕᬤᬾᬯᬾᬓᬾᬧᬶᬢ᭄ᬯᬶ᭞ᬫ[strike/]ᬫ[/strike]ᬰ᭄ᬭᬡᬵᬩᬦ᭄ᬲᭀᬮᬄᬳᬬᬸ᭞ᬓᬾᬢᭀᬧᬢᬸᬢ᭄ᬳᬶᬫᬵᬦᬸᬱ᭞ᬬᬦ᭄ᬲᬚᬧᬘᬂᬗᬃᬤ᭄ᬥᬶᬦᬶ
ᬦ᭄᭞ᬦᬾᬦᬾᬳᬬᬸ᭞ᬳᭂᬦ᭄ᬢᭀᬩᬸᬢᬶᬢᬶᬢ᭄ᬢᭂᬓᭂᬓᬂ ᭛ ᬩᬸᬯᬶᬳᬤᬳᬶᬫᬵᬦᬸᬱ᭞ᬢ᭄ᬯᬭᬵᬫᬗᬵᬃᬤ᭄ᬥᬶᬦᬶᬦ᭄ᬩᭂᬘᬶᬓ᭄᭞ᬳᭂᬦ᭄ᬢᭀᬚᬦ᭄ᬫᬤᬤᬶᬢᬫ᭄ᬪ᭞᭠
ᬢᬦ᭄ᬪᬵᬓᬯᬳᬾᬓᬯᬶᬗ᭄ᬓᬶᬂ᭞ᬓ᭄ᬭᬡᬵᬮᬭᬦᬾᬓᬧᬗ᭄ᬕᬶᬄ᭞ᬭᬶᬓᬮᬫᬢᬶᬓᬢᭂᬧᬸᬓ᭄᭞ᬧᬶᬢᭀᬯᬶᬫᬜᬤ᭄ᬫᬫᬸᬯᬄ᭞ᬲᬢᬢᬫᬩᭂᬓᭂᬮ᭄ᬲ
