[᭒ 2B]
᭒
ᬢᬶᬢ᭄᭞ᬳᬲᬶᬂᬮᬓᬸ᭞ᬢ᭄ᬯᬭᬵᬫᬦᭂᬧᬸᬓᬶᬦ᭄ᬲᬸᬓ ᭛ ᬚᬢᬶᬧᬶᬓᬦ᭄ᬢᭂᬦᬦ᭄ᬤᬾᬯ᭞ᬫᬸᬂᬧᬸᬂᬳᬶᬥᬸᬧ᭄ᬩᬸᬓᬚᬦᬶ᭞ᬲᬥ᭄ᬬᬵᬫᭂᬦ᭄ᬢᬶᬓ᭄ᬓᬫᬵᬦᬸᬱᬦ᭄᭞ᬧᬶᬢᭀᬯᬶᬓᬾ
ᬯᭂᬄᬚᬮᬦᬶᬦ᭄᭞ᬯᬶᬭᬾᬄᬫᬃᬕ᭄ᬕᬤᬳᬢ᭄ᬲ᭄ᬭᬶᬧᬶᬢ᭄᭞ᬦᬾᬗᬸᬗ᭄ᬲᬶᬓᬲ᭄ᬯᬃᬕ᭄ᬕᬦ᭄ᬳᬕᬸᬂ᭞ᬓᬾᬦ᭄ᬓᬾᬦ᭄ᬩᬳᬦ᭄ᬫᬢᬗᬭᬦ᭄᭞ᬫᬗ᭄ᬤᬾᬦᬾᬢᬦ᭄ᬳᬸᬮᬸᬂᬫᬮᬶᬄ᭞ᬳᬸ
ᬮᬶᬤᬶᬤᬸᬶᬢᬸ᭞ᬤᬶᬓᬯᬳᬾᬫᬍᬩᬼᬩᬦ᭄ ᭛ ᬧᬢᬹᬢᬾᬚᬸᬶᬦᬶᬸᬤᬤᬶᬫᬵᬦᬸᬱ᭞ᬳᬮᬳᬬᬸᬓᬓᬃᬤ᭄ᬥᬶᬦᬶᬦ᭄᭞ᬕᬯᬾᬳᬮᬳᬬᬸᬳᭂᬦ᭄ᬢᭀ᭞
ᬧᬘᬂᬓᬤᬸᬤᬸᬓ᭄ᬓᬯᬶᬗ᭄ᬓᬶᬂ᭞ᬬᬦ᭄ᬓᬮᬦᬾ[strike/]ᬓ[/strike]ᬦᬓᬓᬳᬳᬧ᭄ᬢᬶ᭞ᬤᬶᬢᬸᬚᬦᬶᬧᬘᬂᬧᬸᬧᬸ᭞ᬳᭂᬦ᭄ᬢᭀᬫᬤᬦ᭄ᬧᬮᬵᬓᬃᬫ᭄ᬫ᭞ᬧᬕᬯᬾᬦᬾᬦᬾᬦᬾᬗᬸᬦᬶ᭞ᬲᬶᬦᬄ
[᭓ 3A]
ᬢᭂᬧᬸᬓ᭄᭞ᬢ᭄ᬯᬭᬵᬩᬶᬱᬵᬧᬘᬂᬩᭂᬮᬲᬂ ᭛ ᬬᬦᬶᬂᬫᭂᬦ᭄ᬢᬶᬓ᭄ᬤᬤᬚᬦ᭄ᬫ᭞ᬢᬦ᭄ᬗᬋᬧᬂᬥᬃᬫ᭄ᬫᬵᬚᬢᬶ᭞ᬚᭂᬦᭂᬓ᭄ᬢᭂᬓᬾᬦ᭄ᬓᬫᬵᬅᬃᬣ᭞ᬧᬗᬦ᭄ᬓᬶᬦᬸᬫ᭄ᬓᬳᬸᬩᬸᬗᬶᬦ᭄
᭞ᬮᭀᬪᬫᭀᬫᭀᬫᬸᬯᬄᬤᬺᬗ᭄ᬕᬶ᭞ᬫᬳᬫ᭄ᬩᭂᬓ᭄ᬳᬗ᭄ᬓᬭᬵᬲᬶᬕᬸᬕ᭄᭞ᬳᭂᬦ᭄ᬢᭀᬦᬸᬫᬶᬢᬶᬲ᭄ᬲᬗ᭄ᬓᬮ᭞ᬢᬦ᭄ᬧᬕᬸᬡᬵᬲᬗ᭄ᬳ᭄ᬬᬂᬉᬭᬶᬧ᭄᭞ᬲᬮᬄᬳᬗ᭄ᬓᬸᬄ᭞ᬢ᭄ᬯ
ᬭᬵᬗᬶᬢᬸᬂᬓᬧᬸᬗ᭄ᬓᬸᬭᬦ᭄᭞ ᭛ ᬩᬸᬯᬶᬦ᭄ᬳᬤᬵᬤᬤᬶᬚᬦ᭄ᬫ᭞ᬢᬦ᭄ᬲᬄᬗᬕᭂᬫ᭄ᬥᬃᬫ᭄ᬫᬵᬚᬢᬶ᭞ᬫᬲᬶᬄᬮᬘᬸᬭᬾᬓᬢᬫ᭞ᬢᭀᬂᬫᬵᬗ᭄ᬭᬸᬯᬢ᭄ᬧᬧᬲ
ᬓᬶᬢ᭄᭞ᬳᭂᬦ᭄ᬢᭀᬫᬲᬶᬄᬓᬯᬲ᭄ᬢᬦᬶᬦ᭄᭞ᬲᭂᬗ᭄ᬓᬮᬵᬢᬶᬗ᭄ᬓᬳᬾᬳᬶᬥᬸᬧ᭄᭞ᬫᬮᬵᬲᬓᬶᬂᬧᬮᬓᬃᬫ᭄ᬫ᭞ᬩᭂᬓᭂᬮ᭄ᬮᬘᬸᬭᬾᬦᬸᬫᬶᬢᬶᬲ᭄᭞ᬳᭂᬤᬵ[strike/]ᬫ[/strike]ᬗᬫ᭄ᬩᬸᬮ᭄᭞᭠
