[᭓᭓ 33 B]
᭓᭓
ᬦ᭄ᬧᬘᬂᬳᭂᬦ᭄ᬢᬲᬶᬦ᭄᭟ᬭᬤᬾᬦ᭄ᬤᬾᬯᬶᬫ᭄ᬭᬯᬢ᭄᭞ᬚ᭄ᬕᬾᬕ᭄ᬮᬗ᭄ᬲᬶᬃᬢᬦ᭄ᬧᬾᬦ᭄ᬤᬄᬓᬤᬶᬤᬤᬭᬶ᭞ᬫ᭄ᬭᬲᬓᬦ᭄ᬢᬸᬦ᭄ᬫᬢᬶᬫ᭄ᬧᬸᬄᬳᬲᬳᬶᬄᬦᬸᬦᬲ᭄ᬳᬶᬘᬳᬾᬮᬶᬂᬫᬗ᭄ᬓᬶᬦ᭄ᬤᬸᬓ᭄ᬧᭀ
ᬮᬶᬄᬓᬳᭂᬫ᭄ᬩᬦ᭄ᬤᬸᬫᬸᬦ᭄᭞ᬓᬦ᭄ᬢᬓᬭᬶᬂᬧᬩᬶᬦᬦ᭄᭞ᬲᬢ᭄ᬫᬓᬦᬢᬸᬭᬂᬳᬸᬭᬶᬧ᭄᭟ᬫᬯᬲ᭄ᬢᬸᬓᬧ᭄ᬬᭀᬲᬦᬶᬸᬲᬦ᭄᭞ᬫᬤᬸᬮᬸᬭᬦ᭄ᬲᬂᬳ᭄ᬬᬂᬲ᭄ᬫᬭᬜᬸᬲᬸᬧᬶᬦ᭄᭞ᬳᬸᬤᬸᬄᬳ
ᬤᬶᬩᭀᬬᬳᬸᬭᬸᬄ᭞ᬓᬾᬦ᭄ᬓᬾᬦ᭄ᬦᬂᬩᬳᬦ᭄ᬩᭂᬮᬶᬫᬸᬗ᭄ᬕᬸᬄ᭞ᬢᬦ᭄ᬫ᭄ᬭᬯᬢ᭄ᬫᬕ᭄ᬕᬶᬦᬾᬧᬘᬂᬓᬢᬸᬳᬸᬢ᭄᭞ᬫᬗ᭄ᬤᭀᬄᬩ᭄ᬮᬶᬢᬸᬦᬢᬺᬱ᭄ᬡ᭞ᬭᬶᬂᬳᬶᬤᬾᬯ᭄ᬯᬤᬸᬄᬫᬲ᭄ᬫᬦᬶᬓ᭄᭟
ᬓᬤᬶᬯᬾᬦ᭄ᬢᭂᬦ᭄ᬫᬗᬸᬤᬸᬳᬂ᭞ᬫᬶᬦᬩ᭄ᬢᬸᬮᬂᬩᭂᬦᬭᬸᬦᬾᬭᬲᬩ᭄ᬘᬶᬓ᭄᭞ᬳᬗ᭄ᬕᬾᬦ᭄ᬜᭀᬗ᭄ᬓᬤᬶᬦ᭄ᬓᬢᬸᬳᬸᬢ᭄᭞ᬭᬶᬂᬳᬩᬶᬗᬾᬧᬘᬓᬂ᭞ᬳᬗ᭄ᬕᬾᬦ᭄ᬧᬕᬶᬲ᭄ᬬᬦ᭄
[᭓᭔ 34 A]
ᬲᬳᬓᬳᬫ᭄ᬩᬶᬮ᭄ᬦᭂᬭᬸᬲ᭄᭞ᬚ᭄ᬮᬾᬫ᭄ᬧᬄᬚ᭄ᬮᬾᬫ᭄ᬧᭀᬄ᭞ᬫᬢᬶᬦ᭄ᬤᬓᬦ᭄᭞ᬤ᭄ᬯᬦᬶᬂᬍᬲᬸᬦᬾᬢᬗ᭄ᬕᬶᬲ᭄᭟ᬭᬭᬶᬲ᭄ᬗᬸᬗ᭄ᬲᬶᬩᬸᬗᬲ᭄ᬕ᭄ᬯ᭞ᬮᬫᬶᬧᬶᬲᬦ᭄ᬯᬯᬸᬢᬸᬫᬶᬩᬭᬶᬂᬲᬶᬲᬶ᭞
ᬫᬭᬭ᭄ᬬᬦ᭄ᬦᭂᬕ᭄ᬢᭂᬕᬂᬩᬬᬸ᭞ᬲᬲᬫ᭄ᬧᬸᬦᬼᬲᬸᬦᬾᬳᬶᬘᬮ᭄᭞ᬫᬳᬤᬾᬗᬦ᭄ᬜᬗ᭄ᬓᭀᬤᬶᬦ᭄ᬳᬩᬶᬗᬾᬦ᭄ᬭᬸᬲ᭄᭞ᬫᬃᬕ᭄ᬕᬶᬫᬤᬸᬃᬕ᭄ᬕᬫᬤᬳᬢ᭄᭞ᬓᬶᬤ᭄ᬫᬸᬂᬳᬗ᭄ᬕᬾᬦ᭄ᬜᬫ᭄ᬩᬸᬗᬶᬦ᭄᭟᭐᭟
ᬧᬸᬧᬸᬄᬤᭂᬫᬸᬂ᭟ᬭᬲᬢᬦ᭄ᬲᬫᬶᬤ᭄ᬥᬫᬗ᭄ᬓᬶᬦ᭄᭞ᬧᬘᬂᬫᬸᬗ᭄ᬕᬄ᭞ᬫ᭄ᬦᬾᬓ᭄ᬢᭂᬕᭂᬄᬢᬸᬳᬸᬜ᭄ᬘᭂᬧᬸᬂ᭞ᬮᬘᬸᬭᬾᬫᬾᬄᬮᬫ᭄ᬧᬸᬲ᭄᭞ᬫᬕᬦ᭄ᬢᬸᬂᬳᭂᬩᭀᬓ᭄ᬳᬓᬢᬶᬄ᭞
ᬳᭂᬮᬲ᭄ᬧᬶᬲᬦ᭄ᬳᬶᬕ᭄ᬭᬦ᭄ᬢᬂ᭞ᬢ᭄ᬭᬸᬲ᭄ᬫᬸᬗ᭄ᬕᬄᬕ᭄ᬭᬬᬢ᭄ᬕ᭄ᬭᬸᬬᬸᬢ᭄᭞ᬩᬸᬲᬦ᭄ᬩᬸᬲᬦ᭄ᬫᬭᬭ᭄ᬬᬦ᭄᭞ᬲᬫ᭄ᬩᬶᬮ᭄ᬫᬜᭀᬗ᭄ᬓᬤᬶᬦ᭄ᬳᬩᬶᬂ᭞ᬕ᭄ᬭᬶᬤᬶᬧ᭄ᬕ᭄ᬭᬶᬤᬶᬧ᭄ᬗᬫᬸᬗ᭄ᬕ
Page:Bali-lontar-cupak-grantang-400ppi.pdf/34
This page has been proofread.
