[᭓᭔ 34 B]
᭓᭔
ᬳᬂ᭞ᬍᬲᬸᬦᬾᬓᬸᬭᬸᬦᬾᬓᬮᬗ᭄ᬓᬸᬂ᭟ᬲ᭄ᬯᬧᬸᬲᬦ᭄ᬢᭂᬗᬄᬫᬃᬕ᭄ᬕᬶ᭞ᬯᬯᬸᬲᬶᬤ᭄ᬥ᭞ᬦᬶᬜ᭄ᬘᬧ᭄ᬦᬧᬓ᭄ᬢᬸᬭᬶᬂᬮᬶᬫᬸᬄ᭞ᬳᬦ᭄ᬢᬸᬓ᭄ᬓᬢ᭄ᬦᬦ᭄ᬩᬬᬸ᭞ᬜ᭄ᬮᬾᬫ᭄ᬧᬾᬢ᭄ᬓᬤᬶᬢᬦ᭄ᬳᬸᬭᬶᬧ᭄
᭞ᬭᬶᬂᬲᬫ᭄ᬧᬸᬦᬾᬳᬾᬮᬵᬳᬶᬂᬓᭀᬘᬧ᭄᭞ᬜᭂᬮ᭄ᬲᭂᬮ᭄ᬭᬕᬮᬶᬦ᭄ᬢᬂᬮᬘᬸᬃ᭞ᬧᬤᭂᬫ᭄ᬜᬶᬸᬫ᭄ᬚᬓᬸᬤᬳᬾᬗ᭄ᬕᬮ᭄᭞ᬩᬩᬾᬓᬶᬫᬜᬂᬘᬂᬳᬸᬭᬶᬧ᭄᭞ᬦᬧᬶᬲᬶᬄᬓᬦ᭄ᬢᬸ
ᬦ᭄ᬳᬦ᭄ᬢᭀᬲᬂ᭞ᬧᬘᬂᬫᬢᬶᬗ᭄ᬕᬮ᭄ᬳᬶᬭᬢᬸ᭟ᬲᬕᬾᬢ᭄ᬧᬓ᭄ᬭᭀᬲᭀᬓ᭄ᬧᬶᬭᬕᬶ᭞ᬢ᭄ᬗᬄᬳᬮᬲ᭄᭞ᬫᬃᬕ᭄ᬕᬲᬢ᭄ᬯᬧᬕ᭄ᬭᬸᬤᬸᬕ᭄᭞ᬫᬘᬦ᭄ᬓᬶᬤᬂᬭᬯᬸᬄ᭞ᬓᬤᬶᬫᬲ
ᬯᬶᬢ᭄ᬭᬳᬲᬶᬄ᭞ᬫᬜ᭄ᬚᬗᬦ᭄ᬩᬯᬶᬳᬮᬲᬦ᭄᭞ᬫ᭄ᬭᬓ᭄ᬦᬸᬭᬶᬫᬶᬯᬄᬲ᭄ᬬᬸᬂ᭞ᬳᬗᭂᬦ᭄ᬧᬤᬫ᭄ᬧ᭄ᬬᬓ᭄ᬤᬩ᭄ᬤᬩ᭄᭞ᬭᬶᬂᬲᬶᬸᬂᬳᬚᭂᬂᬲᬂᬢᬶᬩᬾᬦ᭄ᬲᭂᬥᬶᬄ᭞ᬬᬦᬶᬂᬭᬲᬭᬲᬬᬂ᭞
[᭓᭕ 35 A]
ᬫᬶᬦᬩ᭄ᬲᬬᬕᬫᬦᬸᬮᬸᬂ᭟ᬳᬶᬕ᭄ᬭᬦ᭄ᬢᬂᬳᬗᭂᬦ᭄ᬫᬫᬗ᭄ᬕᬶᬄ᭞ᬢᬸᬃᬫᬗᬸᬘᬧ᭄ᬳᬶᬄᬩᬸᬭᭀᬦ᭄ᬳᭀᬮᬲᬶᬦ᭄ᬢᬸᬮᬸᬂ᭞ᬦ᭄ᬭᬓᬩᬲ᭄ᬮᬫᬶᬦᭂᬕᬸᬮ᭄᭞ᬢᬸᬚᬸᬳᬶᬦ᭄ᬧᬚ
ᬮᬦ᭄ᬫᬢᬶ᭞ᬘᬳᬶᬳᬸᬢᬫᬦᬾᬫᬘᬦ᭄᭞ᬯᬥᬄᬚᬫᬗ᭄ᬤᬾᬦᬾᬮᬫ᭄ᬧᬸᬲ᭄᭞ᬩᬸᬭᭀᬦᬾᬓᭀᬘᬧ᭄ᬲᬫ᭄ᬬᬦ᭄ᬧᬤᬳᬗᭂᬦ᭄ᬲᬮᬶᬂᬢᭀᬮᬶᬄ
᭞ᬳᬢᬹᬃᬳᬶᬲ᭄ᬬᬸᬂᬤᬩ᭄ᬤᬩ᭄᭞ᬳᬸᬤᬸᬄᬤᬾᬯᬩᭀᬬᬧᬶᬓᬬᬸᬦ᭄᭟ᬫᬗᬸᬤᬫᬗᬮᬮᬸᬫᬢᬶ᭞ᬓᬤᬶᬧᬶᬯᬮ᭄ᬧᬫᬃᬕ᭄ᬕᬶᬦ᭄ᬲᬂᬥᬃᬫ᭄ᬫᬦᬸᬮᬸᬲ᭄᭞ᬓᬬᬸ
ᬦᬶᬦ᭄ᬫᬮᬶᬄᬭᬢᬸ᭞ᬋᬋᬄᬫᬧᬃᬕ᭄ᬕᬶᬦᬾᬩ᭄ᬘᬶᬓ᭄᭞ᬢᬶᬢ᭄ᬬᬂᬜᬤ᭄ᬬᬫᬗᬶᬭᬶᬗᬂ᭞ᬲᬋᬂᬲᬶᬦᬫᬶᬫᬸᬦ᭄ᬤᬸᬢ᭄᭞ᬗᬶᬭᬶᬂᬭᬢᬸᬩᬸᬤᬮ᭄᭞ᬳᬓ᭄ᬱᬶᬳᬶᬤᬭᬤᬾ
Page:Bali-lontar-cupak-grantang-400ppi.pdf/35
This page has been proofread.
