[᭔᭓ 43 B]
᭔᭓
ᬦ᭄ᬫᬗ᭄ᬕᬸᬄ᭞ᬲᬓᬾᬲᬄᬳᬶᬘᬸᬧᬓ᭄᭞ᬫᬯᬘᬦᬭᬤᬾᬦ᭄ᬤᬾᬯᬶ᭞ᬫᬭᬶᬂᬳᬶᬧᬸᬦ᭄᭞ᬲᬂᬧ᭄ᬘᬓ᭄ᬫᬦᬸᬫ᭄ᬩᬲ᭄ᬲᭂᬓᬃ᭟ᬦᬄᬩ᭄ᬯᬶᬦ᭄ᬢᭂᬮᬸᬦ᭄᭞ᬜᬳᬶᬦᬶᬭᬗᬶᬤᬶᬄᬢᬸᬮᬸᬂ᭞ᬜᬭᬸ
ᬫ᭄ᬮᬶᬩᬸᬗ᭞ᬧ᭄ᬤᬲᬂᬧᭂᬲᬦ᭄ᬢᭂᬢᭂᬲᬶᬦ᭄᭞ᬫᬾᬫᬾᬦ᭄ᬩᭂᬓᬸᬂ᭞ᬲᬶᬦᬄᬬᬧᬗ᭄ᬕᬶᬄᬫᬤᬕᬂ᭟ᬭᬯᬸᬄᬲᬫ᭄ᬧᬸᬦ᭄ᬭᬳᬶᬦᬦᬾᬓᬂᬢᬶᬦᬸᬚᬸ᭞ᬕ᭄ᬮᬶᬲ᭄ᬫᬤᬩ᭄ᬤᬩ᭄᭞ᬧᬭᬶᬯ
ᬭᬦᬾᬓᬲᬾᬗᬶᬦ᭄᭞ᬫᬮᬶᬄᬳᬶᬧᬸᬦ᭄᭞ᬓᬳᬶᬘᬾᬦ᭄ᬧᬶᬢ᭄ᬓᭂᬢ᭄ᬩ᭄ᬯᬢ᭄᭟ᬲᬂᬓᬳᬸᬢᬸᬲ᭄᭞ᬯᬶᬢ᭄ᬫᬦᬄᬪᬓ᭄ᬢᬶᬮᬸᬫᬓᬸ᭞ᬓᬤᬶᬫᬲᬸᬫᬬ᭞ᬫᬾᬦ᭄ᬩᭂᬓᬸᬂᬕ᭄ᬮᬶᬲ᭄ᬓᬧᬗ᭄ᬕᬶᬄ᭞
ᬲᬭᬢ᭄ᬜᬸᬯᬸᬦ᭄᭞ᬲ᭄ᬓᬭᬾᬫᬯᬃᬡ᭄ᬦᬯᬃᬡ᭄ᬦ᭟ᬢ᭄ᬭᬂᬲᬫ᭄ᬧᬸᬦ᭄᭞ᬦᬾᬩ᭄ᬯᬢᬂᬲᬫᬶᬧᬗ᭄ᬕᬸᬄ᭞ᬫᬾᬦ᭄ᬩᭂᬓᬸᬂᬫᬶᬤᬃᬣ᭞ᬫᬦᬸᬢᬶᬂᬳᬶᬦ᭄ᬤᬶᬓ᭄ᬜᬬᬸᬓ᭄ᬢᬶ᭞ᬳᬸᬢᬸᬲᬦᬾᬕᬕᬦ᭄ᬘ
[᭔᭔ 44 A]
ᬗᬦ᭄᭟ᬦᬧᬓ᭄ᬲᬫ᭄ᬧᬸᬦ᭄᭞ᬭᬶᬂᬧᬸᬭᬶᬧᬸᬭᬶᬕ᭄ᬮᬶᬲ᭄ᬳᬸᬫᬢᬸᬃ᭞ᬢ᭄ᬮᬲ᭄ᬓᬳᬸᬦᬶᬗᬂ᭞ᬢᬦᬓᬶᬭᬂᬩᭀᬬᬮᭂᬩᬶᬄ᭞ᬮᬶᬮᬓᬸᬦ᭄᭞ᬭᬤᬾᬦ᭄ᬤᬾᬯᬶᬫᬫᬶᬋᬗᬂ᭟ᬜᬳᬶᬳᭂᬮᬸᬄ᭞ᬓᬾᬦ᭄ᬓᬾᬦᬂᬚ
ᬦᬶᬧᬂᬧᬗ᭄ᬕᬸᬄ᭞ᬦᬶᬭᬫᬸᬢᬂᬚᬶᬯ᭞ᬚᬶᬯᬳᬗ᭄ᬗᬬᬄᬬᬓ᭄ᬢᬶ᭞ᬘᬶᬭᬶᬢᬸᬳᬸ᭞ᬩᬸᬗ᭄ᬓᬸᬓᬾᬶᬸᬗᬢ᭄ᬯᬭᬮᬾᬦᬦ᭄᭟ᬲᬂᬫᬦᬸᬮᬸᬂ᭞ᬦᬶᬭᬤᬸᬓ᭄ᬧᬦ᭄ᬤᬸᬂᬩᭂᬦᬭᬸ᭞ᬦᬗᬶᬂᬕᬗᬶᬢ᭄ᬯᬄ᭞
ᬳᬶᬘᬂᬜᬳᬶᬢᬶᬩᬾᬦ᭄ᬲᬓᬶᬢ᭄᭞ᬤᬤᬶᬯᭂᬢᬸ᭞ᬓᬲᭂᬋᬩ᭄ᬦᬶᬭᬗᬢᭀᬦᬂ᭟ᬩᬳᬦ᭄ᬢᬓᬸᬢ᭄᭞ᬢᬶᬗᭂᬢ᭄ᬲᬕᬾᬢ᭄ᬚᬸᬫᬄ᭞ᬢᬸᬳᬸ᭞ᬤᬸᬄᬭᬢᬸᬤᬸᬫᬤ
ᬓ᭄᭞ᬕ᭄ᬮᬶᬲ᭄ᬓᬸᬤᬢᬶᬢ᭄ᬬᬂᬫᬗ᭄ᬕᬶᬄ᭞ᬲᬂᬕᬸᬂᬳᬲᬸᬂ᭞ᬗᬸᬭᬶᬧ᭄ᬢᬶᬢ᭄ᬬᬂᬳᬸᬓᬸᬄᬧ᭄ᬚᬄ᭟ᬲᭂᬕᬸᬲᭂᬕᬸ᭞ᬗᭂᬧᭂᬲ᭄ᬢᬗᬶᬲ᭄ᬜᭂᬮ᭄ᬲᭂᬮ᭄ᬮᬘᬸᬃ᭞ᬯᭀᬂᬚ᭄ᬭᭀᬦᬾᬤᬩ᭄ᬤᬩ᭄
Page:Bali-lontar-cupak-grantang-400ppi.pdf/44
This page has been proofread.
