[᭔᭔ 44 B]
᭔᭔
᭞ᬫᬫᬸᬗᬸᬲᬂᬢᬶᬩᬾᬦ᭄ᬲᭂᬥᬶᬄ᭞ᬲᬶᬗ᭄ᬕᬶᬄᬭᬢᬸ᭞ᬭᬤᬾᬦ᭄ᬤᬾᬯᬶᬩᭀᬬᬲᬦ᭄ᬤᬂ᭟ᬩᬗᭂᬢ᭄ᬲᬸᬗ᭄ᬲᬸᬢ᭄᭞ᬢᬦᬮᬫᬶᬚᬦ᭄ᬢᭂᬦ᭄ᬧᬗ᭄ᬕᬸᬄ᭞ᬗᬶᬭᬶᬂᬳᬸᬦᬶᬗᬬᬂ᭞ᬭᬶᬂᬩᬸᬓ᭄ᬧ
ᬤᬦ᭄ᬦᬣᬳᬚᬶ᭞ᬓ᭄ᬦᬶᬯ᭄ᬭᬸᬄ᭞ᬭᬶᬂᬳᬗ᭄ᬕᬦ᭄ᬲᬂᬦᬸᬮᬸᬂᬧ᭄ᬘᬓ᭄᭟ᬦᬾᬩ᭄ᬯᬶᬦ᭄ᬢᭂᬮᬸᬦ᭄᭞ᬢᬧᬓ᭄ᬢᬗᬦ᭄ᬳᬶᬘᬾᬦ᭄ᬳᬶᬧᬸᬦ᭄᭞ᬲᬂᬩ᭄ᬦᬳᬾᬫᬸᬢᬂᬚᬶᬯᬧᬶᬦᬓᬬᬂᬘᬶᬭᬶ᭞
ᬮᬶᬗ᭄ᬕᬶᬄᬭᬢᬸ᭞ᬢᬦ᭄ᬮᬮᬶᬫᬸᬢᬂᬢᬺᬱ᭄ᬡ᭟ᬲᬯᬸᬃᬫᬦᬸᬓ᭄᭞ᬯᬂᬚ᭄ᬭᭀᬦᬾᬫᬢᬸᬃᬧᬢᬸᬢ᭄᭞ᬧᬤᬗᬲ᭄ᬢᬧᬬᬂ᭞ᬫᬗ᭄ᬤᬾᬦᬾᬕ᭄ᬮᬶᬲ᭄ᬓᬧᬗ᭄ᬕᬶᬄ᭞ᬘ᭄ᬭᬶᬢᬲᬫ᭄ᬧᬸᬦ᭄᭞
ᬭᬳᬶᬦᬧᬸᬦᬶᬓᬦᬧᬓ᭄᭟ᬲ᭄ᬫᭂᬂᬲᬫ᭄ᬧᬸᬦ᭄᭞ᬲᬂᬓᬳᬸᬢᬸᬲ᭄ᬧᬫᬶᬢ᭄ᬲᬫ᭄ᬧᬸᬦ᭄᭞ᬢᬦ᭄ᬓᭀᬘᬧ᭄ᬤᬶᬚᬮᬦ᭄᭞ᬫᬭᬶᬂᬧᬲᬃᬦᬧᬓ᭄ᬫᬗ᭄ᬓᬶᬦ᭄᭞ᬲᬳᬧᬗ᭄ᬕᬸᬄ᭞ᬫᬾ
[᭔᭕ 45 A]
ᬦ᭄ᬩᭂᬓᬸᬂᬲ᭄ᬥᭂᬓ᭄ᬫᬤᭀᬮᬦ᭄᭟ᬲᬂᬓᬳᬸᬢᬸᬲ᭄᭞ᬫᬶᬤᬃᬣᬫᬭᬶᬂᬫᬾᬦ᭄ᬩᭂᬓᬸᬂ᭞ᬲᬧᬭᬶᬳᬶᬦ᭄ᬤᬶᬓᬦ᭄᭞ᬳᬦ᭄ᬯᬘᬦᬦ᭄ᬭᬤᬾᬦ᭄ᬤᬾᬯᬶ᭞ᬓ᭄ᬢᬕ᭄ᬓᭂᬢᬸᬕ᭄᭞ᬫᬾᬦ᭄ᬩᭂᬓᬸᬂᬫᬶᬭᬕ᭄ᬬᬂ᭟
ᬢ᭄ᬮᬲ᭄ᬲᬫ᭄ᬧᬸᬦ᭄᭞ᬲ᭄ᬓᬃᬦᬾᬢᬸᬫᬸᬮᬶᬳᬶᬧᬸᬦ᭄᭞ᬭᬭᬶᬲ᭄ᬫᬤᬩ᭄ᬤᬩᬦ᭄᭞ᬫᬦᬸᬫ᭄ᬩᬲ᭄ᬧᬬᬸᬓ᭄ᬳᬲᬶᬓᬶ᭞ᬦᬸᬮᬶᬳᬶᬚᬸᬗᬸᬗ᭄ᬲᬶᬕ᭄ᬦᬄᬤᬕᬂᬤᬂᬤᬂ᭟᭐᭟ᬧᬸᬧᬸᬄᬤᬂ
ᬤᬂ᭟ᬧᭂᬮᬸᬄᬧᬶᬤᬶᬢ᭄ᬫᬾᬦ᭄ᬩᭂᬓᬸᬂᬫᬗ᭄ᬓ᭄᭞ᬘᬭᬶᬢᬬᬂ᭞ᬲᬫ᭄ᬧᬸᬦ᭄ᬦᬧᬓ᭄ᬳᬸᬫᬄ᭞ᬤᬧᭂᬢᬂᬲᬸᬯᬸᬂᬳᬸᬫᬳᬾ᭞ᬫᬢᭂᬕ᭄ᬢᭂᬕᬦ᭄ᬭᬭᬶᬲ᭄ᬳᬶᬧᬸᬦ᭄᭞ᬗᬸᬲᬧᬶᬦ᭄ᬧᭂᬳᬾᬶᬸ
ᬮᬸᬳᬾᬫᬶᬚᬶᬮ᭄᭞ᬫᬧᬶᬦᭂᬄᬧᬶᬦᭂᬄᬭᬶᬂᬫᬦᬄ᭞ᬫᬸᬗ᭄ᬕᬄᬦᬾᬧᬘᬂᬧᬗ᭄ᬕᬸᬄ᭞ᬳᬶᬕ᭄ᬭᬦ᭄ᬢᬂᬘᬭᬶᬢᬬᬂ᭞ᬩᭂᬗᭀᬂᬦ᭄ᬕᬓ᭄᭞ᬭᬶᬂᬲᭀᬃᬲ᭄ᬓᬃᬦᬕᬲᬭᬶ᭞ᬳᬾᬮᬶᬂᬫᬭᬶᬂᬧᬤᬾ
Page:Bali-lontar-cupak-grantang-400ppi.pdf/45
This page has been proofread.
